Oblys ortalyǧynda äleumettık jäne kommersiialyq nysandar qala säuletıne sai boi köteredı. Türkıstan oblysy äkımınıŋ bırınşı orynbasary Zūlpyhar Joldasovtyŋ töraǧalyǧymen ötken ştab otyrysynda bırqatar jobalar qaralyp, ǧimarattardyŋ säulettık ülgılerı ūsynyldy.
Jiynda säuletşıler, investorlar men qūrylys salasynyŋ mamandary Türkıstanda jäne oblys aumaǧynda jüzege asyrudy josparlap otyrǧan jobalardyŋ säuletın tanystyrdy. Atap aitqanda, Türkıstan qalasynda salynatyn filarmoniia men galereia ǧimaratyna arnalǧan jer telımderı ūsynyldy. Jaŋa qala aumaǧynan boi köteretın 5 qabatty tūrǧyn üi keşenı men taunhaus jobasy qaraldy. Ūlttyq, aziialyq jäne europalyq taǧam türlerın ūsynatyn meiramhana keşenınıŋ jobasy tanystyryldy. Sonymen qatar Türkıstan qalasynyŋ bas josparyna özgerıster men tolyqtyrular engızu, «Dizain kod» boiynşa ūsynystar saralandy. Ärbır joba jeke-jeke qaralyp, ūsynystar aityldy.
Jiyn barysynda Türkıstan oblysynyŋ säulet jäne qala qūrylysy basqarmasynyŋ basşysy Nūrlyjan Bukebaev Türkıstan oblysyna qarasty audan, qalalardaǧy ǧimarattardyŋ säulettık ülgısın tanystyryp, äleumettık nysandardy bır ülgıde saludy, kommersiialyq nysandardy bır ülgıde abattandyrudy ūsyndy.
Oblys äkımınıŋ bırınşı orynbasary jobalardy jıtı zerdelep şyǧudy, naqty josparlardy ūsynudy tapsyrdy.
Ūqsas jaŋalyqtar
