Memleket basşysy Qasym-Jomart Toqaev jūmys saparymen Almaty oblysyna baryp, Alatau qalasynyŋ damu josparymen tanysty, dep habarlaidy "Adyrna" ūlttyq portaly.
Būl turaly Aqordanyŋ baspasöz qyzmetı habarlady. Prezidenttıŋ Almaty oblysyna jūmys sapary Alatau qalasyn damytu tūjyrymdamasynyŋ tanystyrylymynan bastaldy. Qazırgı uaqytta qalanyŋ aumaǧy 88 myŋ gektardy qūraidy. Ol 2050 jylǧa deiın kezeŋ-kezeŋımen damityn tört funksionaldyq aimaqqa bölıngen.
Aqordanyŋ mälımetınşe, bügınde qalanyŋ negızgı ösu nüktelerı men basym damu aumaqtary aiqyndalǧan. Magistraldyq infraqūrylymdy damytu boiynşa jol kartasy jüzege asyrylyp jatyr. Sonymen qatar basqarudyŋ jaŋa modelın qalyptastyratyn konstitusiialyq zaŋ qabyldanǧan.
Qazır Gate City tūrǧyn audanynda belsendı qūrylys jūmystary jürgızılude. Mūnda bır jaily mektep paidalanuǧa berılgen. Sondai-aq qala aumaǧynda «Mareven Fud», «KNAUF», Fruit Art, Dolce Pharm jäne Almaty jeldetkış zauyty sekıldı bes jüie qūrauşy käsıporyn jūmys ıstep tūr.
Būdan bölek, jalpy qūny 2 trillion teŋgeden asatyn 53 investisiialyq jobadan tūratyn pul qalyptastyrylǧan.
Olardyŋ qatarynda PepsiCo kompaniiasynyŋ Ortalyq Aziiadaǧy eŋ ırı kartop öŋdeu zauytynyŋ qūrylysy, Mars Petcare kompaniiasynyŋ üi januarlaryna arnalǧan jem öndıretın zamanaui käsıporny, KHAN TENGRI BIOPHARMA kompaniiasynyŋ därılık zattar men medisinalyq jabdyqtar öndırısı jobasy bar. Al «İstkomtrans» pen G-Trans kompaniialary logistikalyq klaster qalyptastyru jūmystaryn jürgızıp jatyr. Sapar barysynda Memleket basşysyna Alatau qalasynyŋ flagmandyq jobalarynyŋ bırı sanalatyn Iconic Complex köpfunksionaldy keşenınıŋ tūjyrymdamasy tanystyryldy. Jobany Gate District audanynda salu josparlanǧan.
