Jetısu oblysynyŋ tūrǧyny Arynǧazy Syzdyqov belgılı jurnalist, «Orda.kz» saitynyŋ bas redaktory Gülnara Bajkenovadan zäbır körgenın aityp, ony qylmystyq jauapkerşılıkke tartuyn talap etıp otyr.
Aqsaqaldyŋ aituynşa, Bajkenova bır jyldan berı onyŋ qyr-soŋyna tüsıp, ar-namysyna tietın auyr sözder jazǧan. Tıptı, sotta mūnyŋ jala ekenı däleldense de redaktor tynyştalmaǧan körınedı. Būl turaly Arynǧazy Syzdyqov arnaiy videoündeude mälımdedı.
«Jyldyŋ basynda Qaratau audanyna barǧanda bıraz balyqşylarmen kezdesu boldy. Sol kezdesude pıkırtalas boldy. Sodan şyqqannan keiın Orda.kz saitynyŋ basşysy Gülnar Bajkenova jalǧan aqparat taratyp, menı qatygez, jaman adam körsettı. Men özımnıŋ ar-namysymdy qorǧau üşın sotqa jügındım. Sotta būl ıs qaralyp, sudia Bajkenova Gülnaranyŋ jazǧany zaŋsyz dep şeşım şyǧardy. Al, biyl şıldede 60 jasqa tolyp, auyl tūrǧyndary aldynda şaǧyn keş jasaǧanymda, ol taǧy da men turaly maqala jazyp, «memleketten aqşa bölındı, bilık qaida qarap otyr, būl bärın qorqytyp böldırıp alǧan» dep menı jamandap maqala jazdy», - deidı A.Syzdyqov.
Ol qūqyq qorǧau organdaryna kömek sūrap, özın qorǧaudy talap etıp jäne Bajkenovany qylmystyq jauapkerşılıkke tartuyn talap ettı. Aqsaqaldyŋ äielı bolsa soŋǧy bır jyldan berı moraldyq jäne psihikalyq qysym körıp, densaulyǧyna ziian kelgenın aityp otyr.
«Bır jyldan berı bızdıŋ üiımızdıŋ tynyştyǧyn aldy, densaulyǧymza ziian keltırdı. Bajkenova men onyŋ redaktorlaryn jauapqa tartudy sūraimyz», - dedı ol instagramdaǧy özınıŋ paraqşasyndaǧy videoündeude (https://www.instagram.com/reel/DOQbE-4iEC7/?igsh=MTB6eTZweHVvcm14Ng%3D%3D).
Eske salaiyq, Orda.kz saitynyŋ bas redaktory Gülnara Bajkenova būǧan deiın QR Syrtqy ıster ministrı Mūrat Nūrtıleudıŋ jäne ŪQK qataryndaǧy lauazymdy qyzmetkerlerdıŋ ūstalǧany turaly aqparat taratqan bolatyn. Aqparat ministrı, Ūlttyq qauıpsızdık qyzmetı men Syrtqy ıster ministrlıgı būl aqparatty joqqa şyǧaryp, jalǧan ekenın mälımdedı. Orda.kz saitynyŋ iesı bolsa Bajkenovanyŋ psihikasyna kümänmen qaraitynyn aityp, onymen sottasatynyn aitty.
