Jetısu oblysynda Jaŋa jylda 25 oryndy şaǧyn ortalyǧy bar 120 oryndyq jaŋa mektep ıske qosyldy. Aqsu audany Költaban auylyndaǧy būl bılım oşaǧy beiımdelgen mekteptıŋ ornyna salyndy. Būrynǧy ǧimaratta ashana, sport zal men mäjılıs zaly bolmaǧan. Sonymen qatar būǧan deiın mektepte oquşylar 9 synypqa deiın bılım alsa, al 10-11 synyp oquşylary basqa eldı mekenderdegı mektepterge tasymaldanǧan bolatyn, - dep habarlaidy Jetısu oblysy äkımınıŋ baspasöz qyzmetı.
Mekteptıŋ aşyluymen auyl tūrǧyndaryn oblys äkımınıŋ atynan öŋır basşysynyŋ orynbasary Dias Esdäuletov qūttyqtady.
- Prezidenttıŋ tapsyrmasyna säikes öıŋırde qala men auyl mektepterındegı oqytu deŋgeiın teŋestıru jūmystary jürgızılıp keledı. Mektep ǧimarattaryn jaŋartu, materialdyq-tehnikalyq bazalaryn nyǧaitu kezeŋ-kezeŋımen atqaryluda. Mäselen, osy Költaban auylyndaǧy mektepte balalar ūzaq jyldan berı beiımdelgen ǧimaratta oqyp kelgen bolatyn. Bügın, mıne, auylda 120 oryndyq zamanaui mektep paidalanuǧa berılıp, jaily ärı qauıpsız bılım aluǧa mümkındık jasalyp otyr, ǧimarat zamanaui talapqa sai jabdyqtalǧan: pän kabinetterı, IT synyptar, sport jäne akt zaldary, kıtaphana men zerthanalar qarastyrylǧan. Bız bılım beru salasyna qoldau şaralaryn būdan bylai da jalǧastyramyz. Jaŋa mektep ūstazdarynyŋ bastamalary baiandy, eŋbekterı jemıstı bolsyn. Al oquşylarǧa aitarym, osy mektepten sapaly bılım alyp, elımızdıŋ damuyna üles qosatyn adal azamat bolyp ösulerıŋızge tılektespın, - degen Dias Esdäuletov jaŋa modifikasiiadaǧy himiia kabinetınıŋ jabdyqtaryn satyp aluǧa arnalǧan sertifikat tabystady.
Sol siiaqty Költaban auyly tūrǧyndarynyŋ atynan ardager Mūrat Rahymov alǧysyn jetkızdı.
Mūnan soŋ mekteptıŋ qūrylysyn jürgızgen merdıger ūiym — «SP NEFT» JŞS direktory Nūrlan Qadyrbaev jaŋa mekteptıŋ simvolikalyq kıltın bılım beru mekemesınıŋ direktory Jamby Bırjanovaǧa tabystady. Ǧimarattyŋ lentasy qiylyp, mektep saltanatty türde aşylǧannan keiın qonaqtar bılım oşaǧynyŋ ışın aralap kördı.
Atap ötsek, üş qabatty jaŋa mektep ǧimaratynda 11 pändık kabinet, 2 şeberhana, kıtaphana, sport jäne akt zaldary, ashana, sol siiaqty 25 balaǧa arnalǧan mektepke deiıngı şaǧyn ortalyq bar. Būǧan deiın būl ortalyq tek tüske deiın ǧana jūmys ıstese, qazır barlyq mümkındık jasalǧandyqtan tolyq jūmys künıne köşken.
Jergılıktı tūrǧyndar jaǧymdy jaŋalyqqa qatysty pıkır bölıstı. Olardyŋ qatarynda ata-analar, mūǧalımder men oquşylar da bar.
– Eŋ aldymen, bız üşın eŋ ülken quanyş – endı balalarymyz özderınıŋ tuǧan auylynan körşıles eldı mekenderge qatynap oqymaityn boldy. Mektepte oquşylardyŋ sapaly bılım aluyna, al bız üşın jaily jūmys ısteuge barlyq jaǧdai jasalǧan. Qajettı qūral-jabdyqtarmen tolyq qamtylǧan zamanaui pändık kabinetterımız bar. Atap aitqanda, zerthanasy bar fizika kabinetı, lingafon kabinetı, informatika kabinetı jabdyqtalǧan, barlyǧynda paneldı taqtalar ornatylǧan. Mūnyŋ bärı pändı tereŋ ärı jan-jaqty tüsınuge, sondai-aq ǧylymi-zertteu jūmystarymen ainalysuǧa mümkındık beredı, – dedı qazaq tılı men ädebietı pänınıŋ mūǧalımı Erjan Bırjanov.
Būl pıkırge auyl tūrǧyny Baqyt Lebaeva da qosyldy:
– Būrynǧy mektebımız eskı bolatyn. Endı auyl şaǧyn bolsa da, balalarymyz ben nemerelerımız üşın keŋ, jaryq, zamanaui mektep salynyp otyr. Sonymen qatar mektepte kışkentai balalarǧa arnalǧan jaŋa ortalyq ta bar. Būl – ülken quanyş. Osy ıske üles qosqan barşa azamattarǧa şynaiy alǧysymdy bıldıremın, - dedı ol.
11-synyp oquşysy Jaŋyl Türkıstan da quanyşyn jasyrmady:
– 9-synypqa deiın osy auyldaǧy mektepte oqydym. Alaida mūnda joǧary synyptar bolmaǧandyqtan, Taldyqorǧan qalasyna baryp, №19 mektepte 10-synypty aiaqtadym. Jaŋa mektep salynǧanyna qatty quanyp, ülken yqylaspen öz auylyma qaityp keldım. Mektep maǧan öte ūnady, qala mektepterınen eşbır aiyrmaşylyǧy joq — bärı ädemı, jaily ärı zamanǧa laiyq, – dedı oquşy.
