Jýrnalıst Jámıla Marıcheva polıııanyń izine túskenin aıtty, dep habarlaıdy "Adyrna" ulttyq portaly.
QazTAG málimetinshe, qazaqstandyq quzyrly organnyń tarapynan jýrnalıstke degen jańa qyzyǵýshylyqtyń paıda bolǵan. Onyń aıtýynsha, birneshe kúnnen beri quzyrly organ ókilderi páterinde kim tirkeýde turǵanyna tekseris jasaǵan.
"Muny osynda tirkep qoıaıyn, sebebi pavlodarlyq polıııa maǵan erekshe qyzyǵýshylyq tanytyp otyr. Ekinshi kún qatarynan kelip, týystarymdy mazalap páterimde 18, 25, nemese 12 adam tirkeýde turǵanyn aıtyp jatyr. Ishke kirýge qatty qumar sekildi", – dep jazdy Marıcheva áleýmettik jelidegi paraqshasynda.
Ol polıııaǵa shaǵym daıyndap jatqanyn da atap ótti.
"Sondaı-aq meniń páterimde eshqandaı bóten adamdy tirkemegenimdi, bul adamdardyń kim ekenin bilmeıtinimdi de kópshilik aldynda aıtqym keledi. Eger bul jalǵan tirkeýler bolsa, onda suraq kóshi-qon qyzmetine: meniń ruqsatymsyz páterimde qalaısha 18, 25 nemese 12 adam tirkelip ketken? Shamasy, kerisinshe maǵan emes, olardyń jumys sapasyna suraq qoıýym kerek sekildi", – dedi jýrnalıst.
