جەتىسۋ وبلىسىنىڭ تۇرعىنى ارىنعازى سىزدىقوۆ بەلگىلى جۋرناليست، «Orda.kz» سايتىنىڭ باس رەداكتورى گۇلنارا باجكەنوۆادان ءزابىر كورگەنىن ايتىپ، ونى قىلمىستىق جاۋاپكەرشىلىككە تارتۋىن تالاپ ەتىپ وتىر.
اقساقالدىڭ ايتۋىنشا، باجكەنوۆا ءبىر جىلدان بەرى ونىڭ قىر-سوڭىنا ءتۇسىپ، ار-نامىسىنا تيەتىن اۋىر سوزدەر جازعان. ءتىپتى، سوتتا مۇنىڭ جالا ەكەنى دالەلدەنسە دە رەداكتور تىنىشتالماعان كورىنەدى. بۇل تۋرالى ارىنعازى سىزدىقوۆ ارنايى ۆيدەوۇندەۋدە مالىمدەدى.
«جىلدىڭ باسىندا قاراتاۋ اۋدانىنا بارعاندا ءبىراز بالىقشىلارمەن كەزدەسۋ بولدى. سول كەزدەسۋدە پىكىرتالاس بولدى. سودان شىققاننان كەيىن Orda.kz سايتىنىڭ باسشىسى گۇلنار باجكەنوۆا جالعان اقپارات تاراتىپ، مەنى قاتىگەز، جامان ادام كورسەتتى. مەن ءوزىمنىڭ ار-نامىسىمدى قورعاۋ ءۇشىن سوتقا جۇگىندىم. سوتتا بۇل ءىس قارالىپ، سۋديا باجكەنوۆا گۇلنارانىڭ جازعانى زاڭسىز دەپ شەشىم شىعاردى. ال، بيىل شىلدەدە 60 جاسقا تولىپ، اۋىل تۇرعىندارى الدىندا شاعىن كەش جاساعانىمدا، ول تاعى دا مەن تۋرالى ماقالا جازىپ، «مەملەكەتتەن اقشا ءبولىندى، بيلىك قايدا قاراپ وتىر، بۇل ءبارىن قورقىتىپ ءبولدىرىپ العان» دەپ مەنى جامانداپ ماقالا جازدى»، - دەيدى ا.سىزدىقوۆ.
ول قۇقىق قورعاۋ ورگاندارىنا كومەك سۇراپ، ءوزىن قورعاۋدى تالاپ ەتىپ جانە باجكەنوۆانى قىلمىستىق جاۋاپكەرشىلىككە تارتۋىن تالاپ ەتتى. اقساقالدىڭ ايەلى بولسا سوڭعى ءبىر جىلدان بەرى مورالدىق جانە پسيحيكالىق قىسىم كورىپ، دەنساۋلىعىنا زيان كەلگەنىن ايتىپ وتىر.
ء«بىر جىلدان بەرى ءبىزدىڭ ءۇيىمىزدىڭ تىنىشتىعىن الدى، دەنساۋلىعىمزا زيان كەلتىردى. باجكەنوۆا مەن ونىڭ رەداكتورلارىن جاۋاپقا تارتۋدى سۇرايمىز»، - دەدى ول ينستاگرامداعى ءوزىنىڭ پاراقشاسىنداعى ۆيدەوۇندەۋدە (https://www.instagram.com/reel/DOQbE-4iEC7/?igsh=MTB6eTZweHVvcm14Ng%3D%3D).
ەسكە سالايىق، Orda.kz سايتىنىڭ باس رەداكتورى گۇلنارا باجكەنوۆا بۇعان دەيىن قر سىرتقى ىستەر ءمينيسترى مۇرات نۇرتىلەۋدىڭ جانە ۇقك قاتارىنداعى لاۋازىمدى قىزمەتكەرلەردىڭ ۇستالعانى تۋرالى اقپارات تاراتقان بولاتىن. اقپارات ءمينيسترى، ۇلتتىق قاۋىپسىزدىك قىزمەتى مەن سىرتقى ىستەر مينيسترلىگى بۇل اقپاراتتى جوققا شىعارىپ، جالعان ەكەنىن مالىمدەدى. Orda.kz سايتىنىڭ يەسى بولسا باجكەنوۆانىڭ پسيحيكاسىنا كۇمانمەن قارايتىنىن ايتىپ، ونىمەن سوتتاساتىنىن ايتتى.
