Sátbaev qalasyndaǵy jaǵdaı turaqtandy. Bul týraly dep Qaraǵandy oblysy ákimdiginiń baspasóz qyzmeti habarlady. Túnde bes jasar qyzdy urlady degen kúdikpen er adam qamaýǵa alynǵannan keıin jappaı tártipsizdik bastalǵan bolatyn.
"Qazirgi ýaqytta qaladaǵy jaǵdaı tynyshtaldy, kúdiktini polıeıler qamaýǵa aldy. Turǵyndar tarady. Sátbaevqa oblys ákimi ketti. Quqyq qorǵaý organdary bul jaǵdaıdy ádil tergeýge bar kúshin salady. Halyqtan túrli arandatýshylyqqa boı aldyrmaýdy suraımyz", - dep habarlady oblys ákimi baspasóz qyzmetiniń basshysy Marına Shapovalova.
Ol sonymen qatar qalalyq polıııa ǵımaratynyń janynda avtokólikterge órt qoıylǵanyn da aıtty. Shyǵyn kólemi qazirshe belgisiz.
Eske sala keteıik, qalada 23-shi shilde kúni keshke joǵalyp ketken bes jasar qyz beıtanys erkektiń páterinen tabylǵannan keıin tártipsizdik bastalǵan bolatyn.
Qyzdy polıeıler men eriktiler túni boıy búkil qaladan izdedi. Bala tabylǵannan keıin kúdikti turyp jatqan úıdiń qasyna bir top adam jınalyp, kúdiktini ózderi jazalaý úshin ony qoldaryna berýdi talap etti. Ashýǵa býlyqqan olar barlyq páterdiń esigin qaǵyp shyqqan
Ashýy taramaǵan adamdar qala ákimdiginiń ǵımaratyna jınaldy. Sátbaev qalasyna Ulttyq ulan kúshteri tartyldy.
Qala bıligi balanyń anasynyń janynda ekenin habarlap, turǵyndardy arandatýshylyqqa boı aldyrmaýǵa shaqyrdy.
Foto ERNUR.KZ.
