Mädeniet jäne aqparat ministrlıgı azamattyq kelısımdı nyǧaitu jäne etnosaralyq qatynastardy damytu baǧytyndaǧy jūmystardy jalǧastyruda.
2025 jyldyŋ bırınşı jartyjyldyǧynyŋ qorytyndysy boiynşa 95%-dan astam respondent eldegı etnosaralyq qatynastardy tūraqty ärı qolaily dep sipattaǧan.
Etnosaralyq qatynastar salasyndaǧy memlekettık saiasatty ıske asyru aiasynda jyl basynan berı respublika öŋırlerınde aqparattyq-tüsındıru toptary belsendı jūmys ısteude. Olardyŋ qatysuymen azamattardyŋ qūqyqtyq jäne etnosaiasi sauattylyǧyn arttyruǧa baǧyttalǧan 2000-nan astam oqytu jäne aldyn alu ıs-şarasy ötkızıldı.
Etnomediasiia institutyn damytuǧa erekşe köŋıl bölınude. Elımızde käsıbi mediatorlar, zaŋgerler, pedagogtar, psihologtar, dıntanuşylar, jurnalister men qoǧam belsendılerı kıretın 20-dan astam ortalyqtar men keŋester jūmys ısteidı. 2025 jyldyŋ alǧaşqy jartysynda olar 500-ge juyq ıs-şara ötkızıp, oǧan 22 myŋnan astam adam qatysqan.
Biyldan bastap eldegı 14 joǧary oqu ornynda jurnalistika mamandyǧy boiynşa oqityn studentterge arnalǧan «Etnosaiasi sauattylyq» atty jaŋa pän engızıldı. Būl jurnalisterdıŋ media keŋıstıkte etnostyq taqyryptarǧa jauapkerşılıkpen qarauǧa, tūraqty mädeniettı qalyptastyruǧa sep yqpal etedı.
Etnosaralyq qaqtyǧystardyŋ aldyn alu boiynşa Qazaqstan halqy Assambleiasy janyndaǧy Analar keŋesı belsendı röl atqaruda. Bügınde 1700-den astam osyndai ūiym jūmys ısteidı. Olar adamgerşılık qūndylyqtardy nasihattauǧa jäne otbasylyq tärbienı nyǧaituǧa baǧyttalǧan jobalardy jüzege asyruda. Sonymen qatar, jarty jyl ışınde 300-den astam mäselenı qarastyryp, 200-den astam ūsynys jasaǧan Aqsaqaldar keŋesı de tiımdı jūmys jasauda.
«Jomart jan» ortalyqtarynda 340-tan astam mesenat, volonter men qoǧam qairatkerı bırıgıp, qaiyrymdylyq baǧyt boiynşa jūmys jasap keledı. Olar jyl basynan berı 500-den astam ıs-şara ūiymdastyryp, jalpy somasy 304 million teŋgeden astam kömek körsetken.
Azamattyq jauapkerşılık mädenietın qalyptastyruǧa ekologiialyq aksiialarǧa qatysuşylar da aitarlyqtai üles qosyp keledı. «Taza Qazaqstan» jalpyūlttyq bastamasy aiasynda 300 myŋnan astam etnomädeni bırlestık ökılderı, jastar men volonterler qatysqan türlı ıs-şaralar ūiymdastyryldy.
