2024 jylǧy qaŋtardan berı QR Mädeniet jäne aqparat ministrlıgıne qarasty Aqparat komitetın basqarǧan Meiırlan Rahanov qyzmetınen bosatyldy. Būl turaly bügın, 2025 jylǧy 1 tamyzda, QR Ükımetınıŋ baspasöz qyzmetı mälımdedı, dep habarlaidy "Adyrna".
"Qazaqstan Respublikasynyŋ mädeniet jäne aqparat ministrınıŋ būiryǧymen Rahanov Meiırlan Aqylbekūly Aqparat komitetınıŋ töraǧasy qyzmetınen bosatyldy", - delıngen primeminister.kz saitynda jariialanǧan habarlamada.
Meiırlan Rahanov 1988 jyly Qaraǧandy oblysynda düniege kelgen. Qaztūtynuodaǧy Qaraǧandy ekonomikalyq universitetın aiaqtaǧan.
Eŋbek jolyn 2011 jyly Qaraǧandy äkımdıgınıŋ ışkı saiasat bölımınde bastaǧan. 2012 jyly Qaraǧandy oblystyq Salyq basqarmasynda jetekşı maman, keiın 2012–2013 jyldary Qaraǧandy oblysy äkımdıgı ışkı saiasat basqarmasynda bas maman bolyp qyzmet atqardy.
2013-2016 jyldary QR Aqparat komitetınıŋ baspa BAQ basqarmasynda sarapşy, bas sarapşy boldy. 2016-2021 jyldary QR Prezidentı baspasöz qyzmetınde sarapşy, keŋesşı, inspektor qyzmetterın atqardy. 2021 jyldyŋ şıldesınen 2023 jyldyŋ jeltoqsanyna deiın Prezidenttıŋ baspasöz qyzmetınde sektor meŋgeruşısı boldy.
2024 jylǧy qaŋtarda Meiırlan Rahanov QR Mädeniet jäne aqparat ministrlıgı Aqparat komitetınıŋ töraǧasy qyzmetıne taǧaiyndalǧan edı.
