Prodiuser Baian Alagözovanyŋ Meruert Ötekeşovadan syiǧa alǧan tarihi qamzoly turaly jazbasy qoǧamda ülken pıkırtalas tudyrdy. Osyǧan qatysty Mädeniet jäne aqparat ministrlıgı resmi tüsınıkteme berıp, jaǧdaidyŋ män-jaiyn tüsındırdı, dep habarlaidy "Adyrna".
Ministrlıktıŋ mälımetınşe, aŋyzǧa ainalǧan «Qyz Jıbek» filmınde paidalanylǧan jädıger «Qazaqfilm» kinostudiiasynyŋ muzei qorynda saqtalǧan. Būl eksponat ūlttyq kinematografiianyŋ maŋyzdy mädeni mūrasy retınde memleket qorǧauynda.
Prodiuserdıŋ jazbasynda körsetılgen «ekınşı qamzoldyŋ» qalaişa jeke adamnyŋ qolyna ötkenı jäne onyŋ tarihy qazırgı uaqytta ministrlık tarapynan anyqtalyp jatyr.
Ministrlık ūlttyq filmderdegı qūndy rekvizitter men kostiumderdı jinau jäne restavrasiialau jūmystary jüielı türde jürıp jatqanyn atap öttı.
«Bolaşaq muzeide otandyq kino tarihyna qatysty bıregei eksponattar jinaqtalyp, olar qalyŋ köpşılıkke qoljetımdı bolady», – delıngen habarlamada.
Mädeniet jäne aqparat ministrlıgı mädeni qūndylyqtardy qorǧau mäselesı basty nazarda ekenın eskerttı.
