Körermennıŋ ystyq yqylasyna bölengen «QAITADAN» filmı Qazaqstandaǧy kreativtı industriia salasyndaǧy bedeldı marapattardyŋ bırı – «STEPPE AWARDS» syilyǧynyŋ iegerı atandy. Kartina «Kinematograf» nominasiiasynda jeŋıske jettı.
«QAITADAN» – rejisser Duman Erkımbektıŋ tolyqmetrajdy debiuttık tuyndysy. Film QR Mädeniet jäne aqparat ministrlıgı men Ūlttyq kinony qoldau memlekettık ortalyǧynyŋ qoldauymen tüsırıldı. Joba 2023 jylǧy kino jobalar pitchingınde jeŋımpaz atanyp, memleket qoldauymen tüsırılgen jäne prokatta 1 milliard teŋgeden astam qarajat jinaǧan alǧaşqy otandyq film retınde tarihqa endı.
Filmde qalada ösken Rauan esımdı jıgıt auylda jūmbaq uaqyt ılmegıne tüsıp qalady. Mäselenı şeşuge tyrysqan ol ülken apattyŋ kuägerı bolady. Kartina ūrpaq sabaqtastyǧy, jauapkerşılık, qauıpsızdık jäne kömek qolyn sozu sekıldı taqyryptardy qozǧaidy.
Basty rölderdı Jasūlan Köpbergen, Şūǧyla Eşenova, Aibek Äzımbek jäne Ermek Şynbolatov somdaǧan. Tüsırılım jūmystary Almaty oblysynda öttı. Filmde kompiuterlık grafikamen qatar şynaiy arnaiy effektıler qoldanylǧan. Qoiuşy-suretşı – Beken Narbai, prodiuserler – Jalyn Tıleubergenov pen Talǧat Syrmanov.
