Qazaq kinosynyŋ künı – 12 qyrküiek. Küntızbedegı būl kün biyl jaŋa bır sapardyŋ bastauy bolmaq. Sol künı ekranǧa emes, sanaǧa jol aşatyn platforma ıske qosylady. Esımı – Unico Play. Būl – jai ǧana striming emes. Būl – özımızge özımızdı körsetetın ainanyŋ özı.
Unico Play – qazaqstandyq körermenge arnalǧan alǧaşqy tolyqqandy onlain kinoteatr. Onyŋ basty erekşelıgı – qazaq tılınde söileitın kontenttıŋ moldyǧy. Orysşa da, aǧylşynşa da tabylar. Bıraq öz tılıŋde külıp, öz tılıŋde tebırengenge ne jetsın?
Qyrküiekten bastap körermenderge mynadai igılık ūsynylady:
Qazaqstanda tüsırılgen 6 tüpnūsqa serial – bız turaly, bız üşın, öz tılımızde.
4500 saǧattyq dubliajdalǧan älemdık kino – Gollivudtan bastap Stambul men Seulge deiın.
«Bız striming servis qostyq dep aitpaimyz. Bız jaŋa ädet qalyptastyryp jatyrmyz. Ol – özıŋdı köru, özıŋdı tanu, özıŋe senu», – deidı jobanyŋ bas direktory Diias Dosmūhanbet.
TALANTTAR TOǦYSQAN ALAŊ
Unico Play – jergılıktı kontenttıŋ jüregı. Mūnda komediia da, äiel taǧdyry da, jasöspırım mūŋy da, derektı dünie de bar. Mūnda auyl da, qala da, jeŋıs te, jeŋılıs te – bärı özımızdıŋ ünmen, özımızdıŋ jürekpen.
«Qazaqstandaǧy striming – şeteldıŋ jobasymen tolyp tūr. Unico Play – osy jaǧdaidy özgertu üşın tudy. Bızde oqiǧa bar, talant bar, tehnika bar. Endı osynyŋ bärın bır platformada, joǧary sapada, öz tılımızde tamaşalauǧa mümkındık bar», – deidı Dosmūhanbet.
Unico Play – tek platforma emes, qazaq kinosynyŋ ülken sehy. Mūnda 1000-nan astam avtor bas qosty. Erjanov pen Nūrǧaliev, Jahanov pen Abduqadyr, Aqmolda men Orazǧalieva, Satybaldy men Şemes – bärı osynda. Būl – talanttar toǧysqan alaŋ.
ÄLEM MOIYNDAǦAN JOBA – ELDIŊ MAQTANYŞY
Unico Play jasaǧan TWO telehikaiasy älemdık MIPCOM naryǧyna taŋdaldy. Būl baǧdarlamaǧa engen alǧaşqy qazaqstandyq joba. Onymen qoimai, Gollivudta, aŋyzǧa ainalǧan TCL Chinese Theatre sahnasynda körsetıldı. Onda bır kezderı «Jūldyzdar soǧysy» men «Jelmen bırge ketkender» jürıp ötken.
«Bız jüielı jūmys bastaimyz. Qysqa emes, ūzaq jolǧa şyqtyq. Öz naryǧymyzdaǧy eŋ myqty komandany qūrdyq. Endı qazaqstandyq kontenttı öndırıp qana qoimai, ony düniejüzıne taratuǧa jäne dūrys jolmen monetizasiialauǧa kırıstık», – deidı Uni-Q Group bas direktory Dmitrii Gudumak.
12 QYRKÜIEK 2025 JYL – este saqtaŋyz. Būl – jai data emes. Būl – Unico Play resmi türde ıske qosylatyn kün.
Unico Play jobalaryna 1000-nan astam avtor qatysty, olardyŋ qatarynda:
Rejisserler: Ädılhan Erjanov, Ernar Nūrǧaliev, Berık Jahanov, Modiiar Abduqadyr, Äset Jūmaqanov, Beibıt Öner, Daniiar Bolotbekov;
Qoiuşy-operatorlar: Azamat Dulatov, Erkınbek Ptyraliev, Mirhat Chapai, Erkebūlan Quanyşbekov;
Akterler men aktrisalar: Dulyǧa Aqmolda, Saia Orazǧalieva, Jeka (Jeŋıs Erıkūly), Azamat Satybaldy, Aleksei Şemes, Aqjol Pırımbetov, Damir Amangeldin, Eldos Şaikenov, Berık Aitjanov, Nūrgül Myŋǧatova, Nyşanbek Jūbanaev, Aişolpan Baitügel, Maqsat Rahmet, Aida Qūrmanǧalieva, Aşa Matai, Ermek Şynbolatov, Meiırǧat Amangeldin, Maqsat Mamraimov, Sabina Mavloeva, Almagül Saǧyndyq jäne basqalar.
UNICO PLAY – UNI-Q ÄLEMINIŊ JÜREGI
Unico Play – Uni-Q mediaholdingınıŋ jüregı. Būl – tek kontent közı emes, şyǧarmaşylyq industriianyŋ tolyqqandy ekojüiesı.
Uni-Q qūramynda:
Sonymen qatar, Uni-Q qūramyna jas mamandardy daiarlaityn bılım beru jobalary men media aktivter de kıredı.
Missiiasy – Qazaqstannyŋ medialandşaftyna serpın beru, joǧary sapaly kontent öndıru jäne şyǧarmaşylyq mamandarǧa halyqaralyq deŋgeide aşyluǧa mümkındık jasau.
