قازاق كينوسىنىڭ كۇنى – 12 قىركۇيەك. كۇنتىزبەدەگى بۇل كۇن بيىل جاڭا ءبىر ساپاردىڭ باستاۋى بولماق. سول كۇنى ەكرانعا ەمەس، ساناعا جول اشاتىن پلاتفورما ىسكە قوسىلادى. ەسىمى – Unico Play. بۇل – جاي عانا ستريمينگ ەمەس. بۇل – وزىمىزگە ءوزىمىزدى كورسەتەتىن اينانىڭ ءوزى.
Unico Play – قازاقستاندىق كورەرمەنگە ارنالعان العاشقى تولىققاندى ونلاين كينوتەاتر. ونىڭ باستى ەرەكشەلىگى – قازاق تىلىندە سويلەيتىن كونتەنتتىڭ مولدىعى. ورىسشا دا، اعىلشىنشا دا تابىلار. بىراق ءوز تىلىڭدە كۇلىپ، ءوز تىلىڭدە تەبىرەنگەنگە نە جەتسىن؟
قىركۇيەكتەن باستاپ كورەرمەندەرگە مىناداي يگىلىك ۇسىنىلادى:
قازاقستاندا تۇسىرىلگەن 6 تۇپنۇسقا سەريال – ءبىز تۋرالى، ءبىز ءۇشىن، ءوز تىلىمىزدە.
4500 ساعاتتىق دۋبلياجدالعان الەمدىك كينو – گولليۆۋدتان باستاپ ستامبۋل مەن سەۋلگە دەيىن.
ء«بىز ستريمينگ سەرۆيس قوستىق دەپ ايتپايمىز. ءبىز جاڭا ادەت قالىپتاستىرىپ جاتىرمىز. ول – ءوزىڭدى كورۋ، ءوزىڭدى تانۋ، وزىڭە سەنۋ»، – دەيدى جوبانىڭ باس ديرەكتورى دياس دوسمۇحانبەت.
تالانتتار توعىسقان الاڭ
Unico Play – جەرگىلىكتى كونتەنتتىڭ جۇرەگى. مۇندا كومەديا دا، ايەل تاعدىرى دا، ءجاسوسپىرىم مۇڭى دا، دەرەكتى دۇنيە دە بار. مۇندا اۋىل دا، قالا دا، جەڭىس تە، جەڭىلىس تە – ءبارى ءوزىمىزدىڭ ۇنمەن، ءوزىمىزدىڭ جۇرەكپەن.
«قازاقستانداعى ستريمينگ – شەتەلدىڭ جوباسىمەن تولىپ تۇر. Unico Play – وسى جاعدايدى وزگەرتۋ ءۇشىن تۋدى. بىزدە وقيعا بار، تالانت بار، تەحنيكا بار. ەندى وسىنىڭ ءبارىن ءبىر پلاتفورمادا، جوعارى ساپادا، ءوز تىلىمىزدە تاماشالاۋعا مۇمكىندىك بار»، – دەيدى دوسمۇحانبەت.
Unico Play – تەك پلاتفورما ەمەس، قازاق كينوسىنىڭ ۇلكەن تسەحى. مۇندا 1000-نان استام اۆتور باس قوستى. ەرجانوۆ پەن نۇرعاليەۆ، جاحانوۆ پەن ابدۋقادىر، اقمولدا مەن ورازعاليەۆا، ساتىبالدى مەن شەمەس – ءبارى وسىندا. بۇل – تالانتتار توعىسقان الاڭ.
الەم مويىنداعان جوبا – ەلدىڭ ماقتانىشى
Unico Play جاساعان TWO تەلەحيكاياسى الەمدىك MIPCOM نارىعىنا تاڭدالدى. بۇل باعدارلاماعا ەنگەن العاشقى قازاقستاندىق جوبا. ونىمەن قويماي، گولليۆۋدتا، اڭىزعا اينالعان TCL Chinese Theatre ساحناسىندا كورسەتىلدى. وندا ءبىر كەزدەرى «جۇلدىزدار سوعىسى» مەن «جەلمەن بىرگە كەتكەندەر» ءجۇرىپ وتكەن.
ء«بىز جۇيەلى جۇمىس باستايمىز. قىسقا ەمەس، ۇزاق جولعا شىقتىق. ءوز نارىعىمىزداعى ەڭ مىقتى كوماندانى قۇردىق. ەندى قازاقستاندىق كونتەنتتى ءوندىرىپ قانا قويماي، ونى دۇنيەجۇزىنە تاراتۋعا جانە دۇرىس جولمەن مونەتيزاتسيالاۋعا كىرىستىك»، – دەيدى Uni-Q Group باس ديرەكتورى دميتري گۋدۋماك.
12 قىركۇيەك 2025 جىل – ەستە ساقتاڭىز. بۇل – جاي داتا ەمەس. بۇل – Unico Play رەسمي تۇردە ىسكە قوسىلاتىن كۇن.
Unico Play جوبالارىنا 1000-نان استام اۆتور قاتىستى، ولاردىڭ قاتارىندا:
رەجيسسەرلەر: ءادىلحان ەرجانوۆ، ەرنار نۇرعاليەۆ، بەرىك جاحانوۆ، موديار ابدۋقادىر، اسەت جۇماقانوۆ، بەيبىت ونەر، دانيار بولوتبەكوۆ;
قويۋشى-وپەراتورلار: ازامات دۋلاتوۆ، ەركىنبەك پتىراليەۆ، ميرحات چاپاي، ەركەبۇلان قۋانىشبەكوۆ;
اكتەرلەر مەن اكتريسالار: دۋلىعا اقمولدا، سايا ورازعاليەۆا، جەكا (جەڭىس ەرىكۇلى), ازامات ساتىبالدى، الەكسەي شەمەس، اقجول پىرىمبەتوۆ، دامير امانگەلدين، ەلدوس شايكەنوۆ، بەرىك ايتجانوۆ، نۇرگۇل مىڭعاتوۆا، نىشانبەك جۇباناەۆ، ايشولپان بايتۇگەل، ماقسات راحمەت، ايدا قۇرمانعاليەۆا، اشا ماتاي، ەرمەك شىنبولاتوۆ، مەيىرعات امانگەلدين، ماقسات مامرايموۆ، سابينا ماۆلوەۆا، الماگۇل ساعىندىق جانە باسقالار.
UNICO PLAY – UNI-Q الەمىنىڭ جۇرەگى
Unico Play – Uni-Q مەدياحولدينگىنىڭ جۇرەگى. بۇل – تەك كونتەنت كوزى ەمەس، شىعارماشىلىق يندۋستريانىڭ تولىققاندى ەكوجۇيەسى.
Uni-Q قۇرامىندا:
سونىمەن قاتار، Uni-Q قۇرامىنا جاس مامانداردى دايارلايتىن ءبىلىم بەرۋ جوبالارى مەن مەديا اكتيۆتەر دە كىرەدى.
ميسسياسى – قازاقستاننىڭ مەديالاندشافتىنا سەرپىن بەرۋ، جوعارى ساپالى كونتەنت ءوندىرۋ جانە شىعارماشىلىق ماماندارعا حالىقارالىق دەڭگەيدە اشىلۋعا مۇمكىندىك جاساۋ.
