Memleket basşysy Qasym-Jomart Toqaevtyŋ tapsyrmasy boiynşa vise-prezident Erlan Qarin halyqaralyq kinojobanyŋ tüsırılım toby müşelerımen kezdestı. Kezdesuge älemge äigılı rejisser ärı kinoakter Djeki Chan, sondai-aq şeteldık jäne qazaqstandyq prodiuserler Esmond Ren, Rüstem Omarov, İgor Sai jäne Orynbasar Qūdaibergenov qatysty. Būl turaly 6 qazanda Aqordanyŋ baspasöz qyzmetı jazdy, dep habarlaidy «Adyrna» tılşısı.
Kezdesu barysynda kinematografiia salasyndaǧy halyqaralyq yntymaqtastyqty damytu mäselelerı, sondai-aq bırlesken kinojobalardy odan ärı jüzege asyru mümkındıkterı talqylanǧan.
Erlan Qarin prezident Qasym-Jomart Toqaevtyŋ kreativtı industriiany damytuǧa jäne azamattardyŋ şyǧarmaşylyq äleuetın paş etu üşın jaǧdai jasauǧa erekşe köŋıl bölıp otyrǧanyn atap ötken.
Vise-prezident ırı halyqaralyq kinojobalardyŋ Qazaqstanda tüsırıluı otandyq kinoindustriianyŋ damuyna, jergılıktı mamandardyŋ käsıbi mümkındıkterın şyŋdauǧa jäne halyqaralyq kinoöndırıs üşın elımızdı äleuettı alaŋ retınde tanytuǧa yqpal etetının jetkızgen.
Kezdesude kino salasyndaǧy jaŋa tehnologiialardy damytu baǧytyna da erekşe nazar audarylǧan. Erlan Qarin memleket basşysynyŋ şeşımımen jariialanǧan biylǧy Sifrlandyru jäne jasandy intellekt jylynda elordada Astana AI Film Festival ötkenın aitty. Oǧan älemnıŋ 125 elınen 8 myŋ ötınım kelıp tüsken. Qatysuşylardyŋ auqymy men geografiiasy jaǧynan būl festival AI-kinoǧa arnalǧan älemdegı eŋ ırı ıs-şara retınde tanylǧan.
Kezdesu soŋynda Erlan Qarin Djeki Chanǧa Qazaqstanǧa degen airyqşa yqylasy üşın alǧys aityp, jobaǧa qatysuşylardyŋ aldaǧy şyǧarmaşylyq jūmysyna tabys tıledı.
