Foto: Mädeniet jäne aqparat ministrlıgı
Qazaqstan Respublikasy Täuelsızdıgınıŋ 35 jyldyǧyna orai Özbekstan astanasy Taşkent qalasyndaǧy Ūlttyq kino önerı saraiynda Qazaqstan kinosynyŋ künderı ūiymdastyryldy, dep habarlaidy "Adyrna" tılşısı.
Is-şara otandyq kinony şetelde tanystyruǧa jäne ekı el arasyndaǧy mädeni bailanysty nyǧaituǧa baǧyttaldy.
Baǧdarlama aiasynda körermenderge «Qaitadan», «Erekşe», «Moia bolşaia kazahskaia semia», «Jabaiy», «Altyn adam» jäne «Ämıre» filmderı ūsynyldy.
Is-şaraǧa Qazaqstannyŋ Özbekstandaǧy elşılıgınıŋ, «Qazaqfilm» kinostudiiasynyŋ, Kinopark Theatres, Tiger Films jäne Dala Edge kompaniialarynyŋ ökılderı, sondai-aq Qazaqstan men Özbekstannyŋ kino salasynyŋ mamandary qatysty.
Sport pen adam jıgerın arqau etken «Erekşe» filmınıŋ körsetılımıne Özbekstannyŋ bochcha komandasynyŋ müşelerı men Taşkenttegı sport mektebınıŋ oquşylary keldı.
Kezdesu barysynda ekı eldıŋ kinematografisterı ūlttyq kinony damytu jäne bırlesken kinojobalardy jüzege asyru mümkındıkterın talqylady.
Ūiymdastyruşylardyŋ aituynşa, Qazaqstan kinosynyŋ künderı mädeni almasudy jandandyruǧa, şyǧarmaşylyq yntymaqtastyqty nyǧaituǧa jäne otandyq filmderdı halyqaralyq deŋgeide nasihattauǧa mümkındık berdı.
