Balaǵat sózder nasıhatqa aınaldy! Al sahnaǵa shyǵyp ulttyq qundylyqtardy aıaq asty etkender nege jaı ǵana keshirim surap qutylýda? Bul týraly Májilistiń jalpy otyrysynda depýtat Tájmaǵambetova Maqpal, QR bas prokýrory Berik Asylov pen mádenıent jáne sport mınıstri Dáýren Abaevqa depýtattyq saýal joldady, dep habarlaıdy “Adyrna” ulttyq portaly.
«Elimizde sońǵy ýaqytta mazmuny boqaýyz sózderge toly, serıaldar qaptap keledi. Mundaı kórinister jelide jeldeı esip júr. Osydan eki jyl buryn shyqqan «Qaırat bolma, Adam bol» serıalynda qazaqtyń rýhty esimin jerge taptaǵanyn da kórdik. Mundaı veb-serıaldardyń biri endi tolyq metrajdy bolyp, kınoteatrlardan kórsetilýde. Osyǵan dálel qazir Qazaqstanda kórsetilip jatqan «Paanskaıa ıstorııa» fılmi.
Árıne mundaı kınolarǵa eshqandaı shekteý joq. Biraq bul áreketter óskeleń urpaqtyń sanasyn ýlap, qoǵamǵa keri áser etetini anyq. Al QR kınematografııa týraly zańynda «21 jastan bastap jas sanaty bar fılmderdi kıno zaldarda keshki saǵat 22:00-den keıin, tańǵy saǵat 6-ǵa deıin prokattaýǵa jol beriledi» dep naqty kórsetilgen. Alaıda mundaı fılmder keshki saǵat altydan bastap kórsetilip júr. Sonda olar bul zańdy bilmegeni me? Álde zańdy belden basý ma?»,- dedi depýtat.
Odan bólek, depýtat mundaı qoıylymdar tipti teatrlarda da kórsetile bastaǵanyn aıta ketti. Ol joǵaryda atalǵandardy eskere otyryp, zań talaptarynyń buzylýyna jol bergen tıisti mekemelerdi tekserip, jaýapqa tartý kerek dep esepteıdi.
El bolamyn deseń, ekranyńdy túze! Bul másele de oń sheshimin tabady dep senemiz!
