Balaǧat sözder nasihatqa ainaldy! Al sahnaǧa şyǧyp ūlttyq qūndylyqtardy aiaq asty etkender nege jai ǧana keşırım sūrap qūtyluda? Būl turaly Mäjılıstıŋ jalpy otyrysynda deputat Täjmaǧambetova Maqpal, QR bas prokurory Berık Asylov pen mädenient jäne sport ministrı Däuren Abaevqa deputattyq saual joldady, dep habarlaidy “Adyrna” ūlttyq portaly.
«Elımızde soŋǧy uaqytta mazmūny boqauyz sözderge toly, serialdar qaptap keledı. Mūndai körınıster jelıde jeldei esıp jür. Osydan ekı jyl būryn şyqqan «Qairat bolma, Adam bol» serialynda qazaqtyŋ ruhty esımın jerge taptaǧanyn da kördık. Mūndai veb-serialdardyŋ bırı endı tolyq metrajdy bolyp, kinoteatrlardan körsetılude. Osyǧan dälel qazır Qazaqstanda körsetılıp jatqan «Pasanskaia istoriia» filmı. Ärine mūndai kinolarǧa eşqandai şekteu joq. Bıraq būl äreketter öskeleŋ ūrpaqtyŋ sanasyn ulap, qoǧamǧa kerı äser etetını anyq. Al QR kinematografiia turaly zaŋynda «21 jastan bastap jas sanaty bar filmderdı kino zaldarda keşkı saǧat 22:00-den keiın, taŋǧy saǧat 6-ǧa deiın prokattauǧa jol berıledı» dep naqty körsetılgen. Alaida mūndai filmder keşkı saǧat altydan bastap körsetılıp jür. Sonda olar būl zaŋdy bılmegenı me? Älde zaŋdy belden basu ma?»,- dedı deputat.Odan bölek, deputat mūndai qoiylymdar tıptı teatrlarda da körsetıle bastaǧanyn aita kettı. Ol joǧaryda atalǧandardy eskere otyryp, zaŋ talaptarynyŋ būzyluyna jol bergen tiıstı mekemelerdı tekserıp, jauapqa tartu kerek dep esepteidı. El bolamyn deseŋ, ekranyŋdy tüze! Būl mäsele de oŋ şeşımın tabady dep senemız!
Ūqsas jaŋalyqtar
