Elımızde azamattyq alu üşın memlekettık tıl men Konstitusiiany bıluge qoiylatyn talaptar özgeredı, dep habarlaidy «Adyrna» tılşısı.
Ǧylym jäne joǧary bılım ministrlıgı Qazaqstan azamattyǧyn alu nemese qalpyna keltıru üşın qajet bılım kölemın aiqyndaityn normativtık qūjatqa özgerıster engızu turaly būiryq jobasyn äzırledı.
«Aşyq NQA» portalynda ūsynylǧan qūjat jobasynda ärbır pän boiynşa eŋ tömengı şektı baldardy qaita belgıleu qarastyrylǧan. Jaŋa talaptarǧa säikes, ümıtker memlekettık tıl boiynşa kemınde 15 ball, Qazaqstan Respublikasynyŋ Konstitusiiasy negızderı boiynşa kemınde 20 ball, Qazaqstan tarihy pänınen kemınde 15 ball jinauy kerek.
Al qazır azamattyq alu üşın ötkızıletın testıleude memlekettık tılden kemınde 36 ball, al Konstitusiiadan kemınde 9 ball jinau talap etıledı. Qazaqstan tarihynan şektı ball sol küiı qalǧan.
«Jobanyŋ qabyldanuy ärbır pän boiynşa Qazaqstan Respublikasynyŋ azamattyǧyna ümıtkerlerdı testıleu sūraqtarynyŋ barynşa teŋ araqatynasyn qamtamasyz etedı jäne şektı deŋgeidı 10%-ǧa tömendetedı»,—dep tüsındırdı ministrlık.
Aita keteiık, joba 25 şıldege deiın qoǧamdyq talqylau üşın «Aşyq NQA» portalynda ornalastyrylǧan.
