Mäjılıstıŋ eks-deputaty Nūrjan Ältaev "Govorit Moskva"-ǧa bergen sūhbatynda qazaq tılın qorlaǧan orystıldı auditoriianyŋ adamdaryn, olardyŋ qazaq tılıne qarsy äreketterın aqtaǧandai pıkır aityp otyr.
Sızder özderıŋız qaşannan berı körıp otyrsyzdar ǧoi, orystıldı ortanyŋ qazaq tıldı ortaǧa, äsırese qazaq tılıne jasaǧan kerı äreketterın. Dombyramyzdy jerge ūrap syndyrady, tılımızdı taptaidy, "peşernyi nasionalistter" dep jerge tyǧady. Memlekettı qūruşy qazaq ūlty üşın būdan basqa qandai qorlyq pen mazaq kerek!?
Ältaev özınıŋ sözınde orystıldı ortanyŋ qazaq tıldı ortaǧa jasap otyrǧan tırlıkterınıŋ barlyǧyn tızıp kele, mūny barlyǧy "jala" dep toqtapty. Bızdıŋ elde qazaqy ruhniiat pen qūndylyqtardy mazaqtap, soŋynan keşırım sūrap jatatyndar qanşama. Bız keşırımşılımız ǧoi, keşıre beremız. Būlar qaitalai beredı.
Qazaqy qūndylyqtar men ruhaniiatqa kesırın tigızıp otyrǧandardyŋ derlık bärı osy orystıldı ortanyŋ adamdary. Al, Ältaev bolsa "Govorit Moskva"-ǧa bergen sūhbatynda osynyŋ barlyǧy "jala" dei kele, mūndai ıster tek zaŋ aiasynda şeşımın tabuy kerek deptı. Zaŋ memlekettık tıl mäselesıne kelgende qandai dūrys şeşımder jasapty?
Al, tıldıŋ mäselesıne kelgende zaŋ aiasynda qandai köŋıl könşıter şarualar şeşılıp jatyr? Körsetıp berıŋızderşı!
Elımızde memlekettık tıldıŋ märtebesı boiynşa denı dūrys zaŋ älı qabyldanǧan joq. Qazaq tılınıŋ müddesı üşın sot şeşımıne halyqtyŋ senımı baiaǧyda ölgen.
Sondyqtan da Ältaevtyŋ orystıldı ortany qorǧaştap otyrǧanynyŋ barlyǧy da negızsız, kersınşe, orystıldı ortanyŋ azamattaryn jaqtap, soiylyn soǧyp otyrǧan siiaqty.
Bekbolat QARJAN,
"Adyrna" ūlttyq portaly
Ūqsas jaŋalyqtar
