Májilistiń eks-depýtaty Nurjan Áltaev "Govorıt Moskva"-ǵa bergen suhbatynda qazaq tilin qorlaǵan orystildi aýdıtorııanyń adamdaryn, olardyń qazaq tiline qarsy áreketterin aqtaǵandaı pikir aıtyp otyr.
Sizder ózderińiz qashannan beri kórip otyrsyzdar ǵoı, orystildi ortanyń qazaq tildi ortaǵa, ásirese qazaq tiline jasaǵan keri áreketterin. Dombyramyzdy jerge urap syndyrady, tilimizdi taptaıdy, "peernyı naıonalıstter" dep jerge tyǵady. Memleketti qurýshy qazaq ulty úshin budan basqa qandaı qorlyq pen mazaq kerek!?
Áltaev óziniń sózinde orystildi ortanyń qazaq tildi ortaǵa jasap otyrǵan tirlikteriniń barlyǵyn tizip kele, muny barlyǵy "jala" dep toqtapty. Bizdiń elde qazaqy rýhnııat pen qundylyqtardy mazaqtap, sońynan keshirim surap jatatyndar qanshama. Biz keshirimshilimiz ǵoı, keshire beremiz. Bular qaıtalaı beredi.
Qazaqy qundylyqtar men rýhanııatqa kesirin tıgizip otyrǵandardyń derlik bári osy orystildi ortanyń adamdary. Al, Áltaev bolsa "Govorıt Moskva"-ǵa bergen suhbatynda osynyń barlyǵy "jala" deı kele, mundaı ister tek zań aıasynda sheshimin tabýy kerek depti. Zań memlekettik til máselesine kelgende qandaı durys sheshimder jasapty?
Al, tildiń máselesine kelgende zań aıasynda qandaı kóńil kónshiter sharýalar sheshilip jatyr? Kórsetip berińizdershi!
Elimizde memlekettik tildiń mártebesi boıynsha deni durys zań áli qabyldanǵan joq. Qazaq tiliniń múddesi úshin sot sheshimine halyqtyń senimi baıaǵyda ólgen.
Sondyqtan da Áltaevtyń orystildi ortany qorǵashtap otyrǵanynyń barlyǵy da negizsiz, kersinshe, orystildi ortanyń azamattaryn jaqtap, soıylyn soǵyp otyrǵan sııaqty.
Bekbolat QARJAN,
"Adyrna" ulttyq portaly
