Belgili akter Danııar Álshinov qazaq tiline qatysty óz pikirin ashyq aıtty, dep jazady "Adyrna" ulttyq portaly.
«Biz bárimiz óz tilimizde sóılemeıtin qurbanbyz. Sen sóıleı alasyń ba, joq pa, ol mańyzdy emes. Men bul úshin eshteńe istegen de joqpyn. Jaı ǵana ómir súrdim. Biraq, ómirimniń bir mezetinde ana tilin 100 paıyz bilmegendikten qazaq mádenıetiniń orasan zor ıgilikterinen aıyrylǵanymdy túsindim. Bálkim, bul meniń kinám emes shyǵar. Biraq, meni jek kóretinder men qazaqsha sóılemeıtinderdiń barlyǵyn túsinemin. Óıtkeni, biz otarshyldyqtyń qurbanymyz, ana tilimizdiń qysymǵa ushyraýynyń qurbanymyz. Sondyqtan bizdiń «Qazaqsha sóıleńder!» dep qandaı da bolsyn moraldyq ótemaqy alýǵa quqyǵymyz bar. Meıli, sen qazaqsyń, «qaı tilde sóılegim keledi, sol tilde sóıleımin» deısiń. Negizinde ıá, biraq bulaı aıtpaǵanyń durys. Qazaq tilin úırený qanshalyqty qajet ekenin tez uǵynsaq, soǵurlym buǵan renjýdiń qajeti joq ekenin túsinemiz», - dedi Danııar Álshinov Dope soz YouTube arnasyna bergen suhbatynda.
"Adyrna" ulttyq portaly
