Jýrnalıst Gúlmıra Ábiqaı óziniń Facebook paraqshasynda turmystyq zorlyq-zombylyqqa qatysty úndeý jarııalady, dep jazady "Adyrna" tilshisi.
Óziniń jazbasynda ol qazirgi tańda áıelin uryp óltiretin er azamattardyń kóbeıip ketkenin, olarǵa zań júzinde qatal jaza taǵaıyndalý kerktigin basa aıtty:
"Bul qoǵamǵa ne boldy? Áıelin uryp óltirý degen dert bolyp tur, shynynda da bálkim ondaı erkekterdi qamaı bermeı emdeý kerek shyǵar? Álde, atyp tastaımyz ba? Erteń sottalyp shyqqan soń erkek degen túbi taǵy úılenedi, ol áıelin de uryp óltirmesine kim kepil? Múmkin pedofıldar sııaqty ortaq bazaǵa engizip, fotosyn, aty-jónin badyraıtyp salyp qoıý kerek shyǵar “Saq bolyńdar, áıeldi uryp óltirgish” dep… eń qurmasa ózgelerge sabaq bolsyn" dep jazdy ol.
Onyń aıtýynsha Túrkistan oblysynda bildeı úsh otbasynyń balalary jetim qalǵan. 29/04 Túrkistan obl, Ordabasy aýdanynda balalardyń kózinshe anasy, 36 jastaǵy Úkilaı jantásilim etti. 4 bala jetim qaldy. Jetisaı aýdanynda kúıeýi áıelin asqan qatygezdikpen uryp óltirdi. Áıgerim marqum 32-de, artynda 4 bala jetim qaldy. Keles aýdanynda taǵy da ólim oryn alǵan. Marqumnyń jasy nebári 25-te. Artynda 2 qyzy, ishinde 7 aılyq bópesi ketti.
"Qymbatty Qasym-Jomart Toqaev! Otbasylyq zorlyq-zombylyqqa qatysty zańdy kúsheıtý (jumys isteý) sizderdiń qolda tur ǵoı.Osyǵan deıin bul taqyrypqa petıııa uıymdastyryldy ma esimde joq. Qymbatty zańgerler Kamısha Esmýhametqyzy, Abzal Quspan únsiz qalmańyzdar" dep qosty ol.
