Jurnalist Gülmira Äbıqai özınıŋ Facebook paraqşasynda tūrmystyq zorlyq-zombylyqqa qatysty ündeu jariialady, dep jazady "Adyrna" tılşısı.
Özınıŋ jazbasynda ol qazırgı taŋda äielın ūryp öltıretın er azamattardyŋ köbeiıp ketkenın, olarǧa zaŋ jüzınde qatal jaza taǧaiyndalu kerktıgın basa aitty:
"Būl qoǧamǧa ne boldy? Äielın ūryp öltıru degen dert bolyp tūr, şynynda da bälkım ondai erkekterdı qamai bermei emdeu kerek şyǧar? Älde, atyp tastaimyz ba? Erteŋ sottalyp şyqqan soŋ erkek degen tübı taǧy üilenedı, ol äielın de ūryp öltırmesıne kım kepıl? Mümkın pedofildar siiaqty ortaq bazaǧa engızıp, fotosyn, aty-jönın badyraityp salyp qoiu kerek şyǧar “Saq bolyŋdar, äieldı ūryp öltırgış” dep… eŋ qūrmasa özgelerge sabaq bolsyn" dep jazdy ol.
Onyŋ aituynşa Türkıstan oblysynda bıldei üş otbasynyŋ balalary jetım qalǧan. 29/04 Türkıstan obl, Ordabasy audanynda balalardyŋ közınşe anasy, 36 jastaǧy Ükılai jantäsılım ettı. 4 bala jetım qaldy. Jetısai audanynda küieuı äielın asqan qatygezdıkpen ūryp öltırdı. Äigerım marqūm 32-de, artynda 4 bala jetım qaldy. Keles audanynda taǧy da ölım oryn alǧan. Marqūmnyŋ jasy nebärı 25-te. Artynda 2 qyzy, ışınde 7 ailyq böpesı kettı.
"Qymbatty Qasym-Jomart Toqaev! Otbasylyq zorlyq-zombylyqqa qatysty zaŋdy küşeitu (jūmys ısteu) sızderdıŋ qolda tūr ǧoi.Osyǧan deiın būl taqyrypqa petisiia ūiymdastyryldy ma esımde joq. Qymbatty zaŋgerler Kamişa Esmuhametqyzy, Abzal Qūspan ünsız qalmaŋyzdar" dep qosty ol.
Ūqsas jaŋalyqtar
