Kókshetaýda polıeıler azamattyq nekedegi kúıeýin óltirdi dep kúdikpen áıel kisini qamaýǵa aldy, dep habarlaıdy ”Adyrna” ulttyq portaly.
19 sáýirde qalalyq polıııa basqarmasyna oblys ortalyǵy turǵynynyń kenetten qaıtys bolǵany týraly habarlama kelip tústi.
Polıııa qyzmetkerleri marqumnyń turǵylyqty jerine barǵan kezde 45 jastaǵy er adamnyń denesin tapty. Onyń denesinde zorlyq-zombylyq belgileri anyqtaldy. Tergeý-jedel is-sharalar barysynda jábirlenýshige aýyr dene jaraqatyn saldy degen kúdik boıynsha jábirlenýshiniń azamattyq nekedegi áıeli ustaldy.
Qaıǵyly oqıǵa bolǵan kúni azamattyq nekedegi erli-zaıyptylardyń páterde jalǵyz qalǵany jáne olardyń arasynda janjal týyndaǵany anyqtaldy. Janjal kezinde kúdikti er adamnyń keýdesine pyshaq suqqan. Sot-medıınalyq saraptamasynyń qorytyndysy boıynsha, jábirlenýshi alǵan jaraqatynan kóz jumǵan.
Polıııa basqarmasy osy fakti boıynsha QR QK 106-babynyń 3-bóligi - "Jábirlenýshiniń ólimine ákep soqqan densaýlyqqa qasaqana aýyr zııan keltirý" boıynsha sotqa deıingi tergep-tekserýdi bastady.
Qazirgi ýaqytta bolǵan oqıǵanyń barlyq mán-jaılary belgilenip, qajetti tergeý áreketteri júrgizilýde. Qylmystyq is boıynsha aıyptalýshylardyń jeke basyn sıpattaıtyn materıaldar jınalady.
