“ساق بولىڭدار، ايەلدى ۇرىپ ولتىرگىش”: گۇلميرا ابىقاي ۇندەۋ جاريالادى

3871
Adyrna.kz Telegram
جۋرناليست گۇلميرا ابىقاي ءوزىنىڭ Facebook پاراقشاسىندا تۇرمىستىق زورلىق-زومبىلىققا قاتىستى ۇندەۋ جاريالادى، دەپ جازادى "ادىرنا" ءتىلشىسى. 
ءوزىنىڭ جازباسىندا ول قازىرگى تاڭدا ايەلىن ۇرىپ ولتىرەتىن ەر ازاماتتاردىڭ كوبەيىپ كەتكەنىن، ولارعا زاڭ جۇزىندە قاتال جازا تاعايىندالۋ كەركتىگىن باسا ايتتى:
"بۇل قوعامعا نە بولدى؟ ايەلىن ۇرىپ ءولتىرۋ دەگەن دەرت بولىپ تۇر، شىنىندا دا بالكىم ونداي ەركەكتەردى قاماي بەرمەي ەمدەۋ كەرەك شىعار؟ الدە، اتىپ تاستايمىز با؟ ەرتەڭ سوتتالىپ شىققان سوڭ ەركەك دەگەن ءتۇبى تاعى ۇيلەنەدى، ول ايەلىن دە ۇرىپ ولتىرمەسىنە كىم كەپىل؟ مۇمكىن پەدوفيلدار سياقتى ورتاق بازاعا ەنگىزىپ، فوتوسىن، اتى-ءجونىن بادىرايتىپ سالىپ قويۋ كەرەك شىعار “ساق بولىڭدار، ايەلدى ۇرىپ ولتىرگىش” دەپ… ەڭ قۇرماسا وزگەلەرگە ساباق بولسىن" دەپ جازدى ول.
ونىڭ ايتۋىنشا  تۇركىستان وبلىسىندا بىلدەي  ءۇش وتباسىنىڭ بالالارى جەتىم قالعان. 29/04 تۇركىستان وبل، ورداباسى اۋدانىندا بالالاردىڭ كوزىنشە اناسى، 36 جاستاعى ۇكىلاي ءجانتاسىلىم ەتتى. 4 بالا جەتىم قالدى. جەتىساي اۋدانىندا كۇيەۋى ايەلىن اسقان قاتىگەزدىكپەن ۇرىپ ءولتىردى. ايگەرىم مارقۇم 32-دە، ارتىندا 4 بالا جەتىم قالدى. كەلەس اۋدانىندا تاعى دا ءولىم ورىن العان. مارقۇمنىڭ جاسى نەبارى 25-تە. ارتىندا 2 قىزى، ىشىندە 7 ايلىق بوپەسى كەتتى.
"قىمباتتى قاسىم-جومارت توقاەۆ! وتباسىلىق زورلىق-زومبىلىققا قاتىستى زاڭدى كۇشەيتۋ (جۇمىس ىستەۋ) سىزدەردىڭ قولدا تۇر عوي.وسىعان دەيىن بۇل تاقىرىپقا پەتيتسيا ۇيىمداستىرىلدى ما ەسىمدە جوق. قىمباتتى زاڭگەرلەر كاميشا ەسمۋحامەتقىزى، ابزال قۇسپان ءۇنسىز قالماڭىزدار" دەپ قوستى ول.
پىكىرلەر