Almatylyq arý zorlyq-zombylyq qurbany bolyp, ádildik izdep, arasha suraıdy, - dep habarlaıdy “Adyrna” tilshisi. SVET qoǵamdyq qorynyń Instagram jelisinde zardap shekken qyzdyń vıdeo habarlamasy paıda boldy. Onyń aıtýynsha, ózine belgisiz sebeptermen zorlaý isine qatysty tergeý jumystary keshiktirilip jatyr.
Jábirlenýshiniń esimi Elına, ol 22 jasta. Ony bir tanysy zorlap ketken. Onyń aıtýynsha, ol 2023 jyldyń 9 naýryzyna qaraǵan túni dostarymen barda demalyp otyryp, álgi tanysyn kezdestirip qalǵan.
«Alys bir tanysym qasyma kelip, birneshe ret áńgime qozǵamaq bolyp, alkogoldik kokteılmen syılaǵandaı boldy da, sodan keıin men ózimdi qatty mas sezindim. Qurbym ekeýmiz úıge qaıtýǵa daıyndalyp jatqanda, kúdikti jetkizip tastaýǵa usynys jasady. Joldy úsh meken-jaıǵa bólip taksı shaqyrtty jáne meniń mas ári dármensiz kúıde qalǵanymdy paıdalanyp, maǵan bildirmeı taksıdiń meken-jaıyn aýystyryp óz úıine áketip qalǵan», - deıdi boıjetken óziniń vıdeo habarlamasynda.
Zorlaý isi kúdiktiniń páterinde bolǵan.
«Men es-tússiz kúıde boldym, biraq men arasynda es jıyp, qarsylyq kórsetýge tyrystym, biraq nátıje bolmady. Kelesi kúni tańerteń oıandym. Beıtanys jabyq páter, jalǵyz ózim ǵana. Biraz ýaqyttan keıin men qurbylaryma habarlastym, olar meni tezirek ol jerden shyǵarýǵa tyrysty», - dep eske alady Elına.
Boıjetken quqyq qorǵaý organdaryna habarlasqan. Ol aryz jazyp, qylmystyq is qozǵaldy. 288 kúndik tergeýden keıin polıııa isti prokýratýraǵa jiberdi.
«Alaıda prokýror sol túni meni aıdaǵan taksı júrgizýshilerinen jaýap alý úshin isti qosymsha tergeýge jiberýdi uıǵardy. Iaǵnı, 288 kúnnen keıin olar kún saıyn kóp adam tasymaldaıtyn taksı júrgizýshilerinen jaýap alǵysy keledi. Tikeleı aıǵaqtardyń bolýyna qaramastan, ıaǵnı eki ret sot medıınalyq saraptamasynyń qorytyndysy boıynsha: sannyń ishki bóliginde jáne denedegi qarsylyq tanytý kezinde paıda bolǵan kógergen izder men ish kıimdegi kúdiktiniń uryǵy. Soǵan sáıkes, osynyń barlyǵynan keıin mende birqatar suraqtar týyndaıdy: prokýratýra qandaı maqsatpen isti sotqa jibermeıdi? Barlyq qajetti tikeleı dálelder bar bolsa, ony qosymsha tergeýge jiberý kerek pe?» – deıdi jábirlenýshi.
"Zorlyq-zombylyq bolǵannan beri 310 kún ótti. Men barlyq tikeleı dálelderge ıe bola otyryp, isti sotqa jiberýdi talap etemin. Men ádilettilikti talap etemin. Men zorlyq-zombylyqtan aman qalǵan árbir áıel qorǵalatynyn dáleldegim keledi», - dep túıindedi Elına.
Almaty qalalyq IID bul derek boıynsha Medeý aýdandyq polıııa bólimi sotqa deıingi tergeý júrgizip jatqanyn habarlady.
«Is júrgizý aıasynda qajetti saraptamalar taǵaıyndaldy, qazirgi ýaqytta qylmystyq is boıynsha istiń obektıvti mán-jaılaryn anyqtaýǵa baǵyttalǵan jedel-izdestirý sharalary júrgizilýde», - dep habarlady qalalyq polıııa departamentiniń baspasóz qyzmeti.
