Sportqa syrttan kelıp qosylǧan sportşylardy, iaǧni, «legionerdı» Qazaqstanǧa aldyrtu qūbylysyn toqtatudy talap etetınder de, ony qos qoldap qoldaityndar da tabylady. Alaida halyqaralyq dodalarda Qazaqstannyŋ atynan synǧa tüsetın şeteldık sportşylar älı künge deiın azaiǧan joq. Talai äŋgımege arqau bolǧan legionerler mäselesı turaly qoǧam qairaterı Janūzaq Äkım «Adyrna» ūlttyq portalynyŋ tılşısıne aityp berdı.
«Sporttaǧy legionerlerdıŋ mäselesı - öte jauapty mäsele. Bızder legionerlerdı qoldaimyz dep, halyqtyq sportty ūmyttyq. Jüie bolu kerek. Mektepten bastap, är şaǧyn audan, är qalada, är audanda türlı sport türın ūiymdastyryp, qadaǧalau kerek. Jaqsylyq Üşkempırov aǧalarymyzdan bastap olimpiadanyŋ chempionynyŋ köbı auyldan şyqqan. Al qazır auyldyq mektepterdı, auyldyq sportty, olardyŋ damuyna müldem köŋıl bölmei kettık. Adam kapitalyn eskeruımız kerek. Denı sau adam - uaqytynda salyǧyn töleitın, iaǧni eldı baiytatyn, elge paidaly azamat. Sondyqtan sportqa köŋıl bölıp, osy mäselenı tereŋnen qarau kerek. Legionerler eŋ keŋ taraǧan sporttyŋ türı - futbol. Europanyŋ klubtary Messi bolsyn, Ronaldu bolsyn barlyǧy Oŋtüstık Amerikadan, Braziliia, Argentina t.b. kelıp jatyr. Al bız memleket retınde aldymen, öz halqymyzdyŋ densaulyǧy jäne sol özımızdıŋ halyqtan şyqqan talanttardy şyǧaruymyz kerek. Elımızde eşqandai legionerlersız şahmattan chempiondar şyǧyp jatyr. 7 jasar kışkentai qyzdan bastap älem chempiony boluda», - dedı qairatker.Sondai-aq, legionerlerdıŋ köp boluy elımızdıŋ elıkteuşılık qabletınıŋ basymdyǧynda eken.
«Bız elıktep kelemız. 90-jyldardan berı elıktep, 30 jyldyŋ ışınde jaman ädet qalyptastyrdyq. Amerika bolamyz dep, aljyp kettık. Qazır bükıl qarjyny futbol klubtaryndaǧy legionerlerge berıp otyr. Jalpy aitqanda, Qazaqstanda futbol joq. Bız özımızdıŋ jastarǧa, jastardy tärbieleuge köŋıl böluımız kerek, būl memlekettıŋ bırınşı mındetı. Sebebı, memlekettegı eŋ bırınşı qūndylyq, ol - adamy, onyŋ azamaty. Al jeke klubtar legionerlerdı şaqyratyn bolsa zaıdatyrsyn. Olardyŋ ülesı üşeuden aspau kerek. Reseide mümkındık bolmaǧan soŋ, sportşylary bızge aǧylyp jatyr. Sodan kelgen bıreŋ-saraŋ legionerlerdı aluǧa bolady. Oǧan eşkımnıŋ de qarsylyǧy joq bolar. Alaida topyrlatyp barlyǧyn ala beru dūrys emes. Bızde sport kompleksterı, basseinderdıŋ sanynan körı aptekalardyŋ sany 20 esege deiın köp. Tıptı, auyldyq jerde sport kompleksterı de joq. Sonda halyqtyŋ barlyǧy auru ma? Barlyq auyl, mektepterde orta jäne joǧary oqu oryndarynda şahmat, toǧyzqūmalaq syndy oiyndardy mındetteu qajet. Osylai būqaralyq sportty, jastardyq intellektualdyq damuyna köŋıl bölsek, özımızdıŋ ışımızden de älem chempiondary şyǧady», - deidı Janūzaq Äkım.Odan bölek, qoǧam belsendısınıŋ aituynşa, legionerlerdı bır orynda mäŋgı ūstap tūra almaimyz.
«Legionerler bügın bar, erteŋ joq. Qai jerden keldı, sol jerge ketedı. Legioenerde otan bolmaidy. Olardyŋ otany - konversiia, aqşa tabu. Sondyqtan osyny ūmytpaǧanymyz jön. Bız äleumettık innovasiiaǧa, jalpy ekonomikany innovasiiaǧa ainaldyruǧa köp köŋıl böluımız kerek. Al ekonomikasy şikızat elderdıŋ bärı kedei, köbı qaiyrşy. Mäselen, Venesuela mūnaidan älemde 3-şı oryn alady. Bıraq halqy kedei, qaiyrşy bolyp ketken. Sondyqtan bız zaman aǧymyna sai adamǧa köŋıl böluımız kerek. Özımızdıŋ azamattarǧa jaǧdai jasauymyz qajet. Ol üşın būqaralyq sportty damytuymyz kerek.. Al otandyq sportty damytu, ol - ūlttyq patriotizm», dep sözın aiaqtady.
«Adyrna» ūlttyq portaly
Ūqsas jaŋalyqtar
