Sportqa syrttan kelip qosylǵan sportshylardy, ıaǵnı, «legıonerdi» Qazaqstanǵa aldyrtý qubylysyn toqtatýdy talap etetinder de, ony qos qoldap qoldaıtyndar da tabylady. Alaıda halyqaralyq dodalarda Qazaqstannyń atynan synǵa túsetin sheteldik sportshylar áli kúnge deıin azaıǵan joq. Talaı áńgimege arqaý bolǵan legıonerler máselesi týraly qoǵam qaırateri Januzaq Ákim «Adyrna» ulttyq portalynyń tilshisine aıtyp berdi.
«Sporttaǵy legıonerlerdiń máselesi - óte jaýapty másele. Bizder legıonerlerdi qoldaımyz dep, halyqtyq sportty umyttyq. Júıe bolý kerek. Mektepten bastap, ár shaǵyn aýdan, ár qalada, ár aýdanda túrli sport túrin uıymdastyryp, qadaǵalaý kerek. Jaqsylyq Úshkempirov aǵalarymyzdan bastap olımpıadanyń chempıonynyń kóbi aýyldan shyqqan. Al qazir aýyldyq mektepterdi, aýyldyq sportty, olardyń damýyna múldem kóńil bólmeı kettik.
Adam kapıtalyn eskerýimiz kerek. Deni saý adam - ýaqytynda salyǵyn tóleıtin, ıaǵnı eldi baıytatyn, elge paıdaly azamat. Sondyqtan sportqa kóńil bólip, osy máseleni tereńnen qaraý kerek. Legıonerler eń keń taraǵan sporttyń túri - fýtbol. Eýropanyń klýbtary Messı bolsyn, Ronaldý bolsyn barlyǵy Ońtústik Amerıkadan, Brazılııa, Argentına t.b. kelip jatyr. Al biz memleket retinde aldymen, óz halqymyzdyń densaýlyǵy jáne sol ózimizdiń halyqtan shyqqan talanttardy shyǵarýymyz kerek. Elimizde eshqandaı legıonerlersiz shahmattan chempıondar shyǵyp jatyr. 7 jasar kishkentaı qyzdan bastap álem chempıony bolýda», - dedi qaıratker.
Sondaı-aq, legıonerlerdiń kóp bolýy elimizdiń elikteýshilik qabletiniń basymdyǵynda eken.
«Biz eliktep kelemiz. 90-jyldardan beri eliktep, 30 jyldyń ishinde jaman ádet qalyptastyrdyq. Amerıka bolamyz dep, aljyp kettik. Qazir búkil qarjyny fýtbol klýbtaryndaǵy legıonerlerge berip otyr. Jalpy aıtqanda, Qazaqstanda fýtbol joq. Biz ózimizdiń jastarǵa, jastardy tárbıeleýge kóńil bólýimiz kerek, bul memlekettiń birinshi mindeti. Sebebi, memlekettegi eń birinshi qundylyq, ol - adamy, onyń azamaty.
Al jeke klýbtar legıonerlerdi shaqyratyn bolsa zaidatyrsyn. Olardyń úlesi úsheýden aspaý kerek. Reseıde múmkindik bolmaǵan soń, sportshylary bizge aǵylyp jatyr. Sodan kelgen bireń-sarań legıonerlerdi alýǵa bolady. Oǵan eshkimniń de qarsylyǵy joq bolar. Alaıda topyrlatyp barlyǵyn ala berý durys emes. Bizde sport kompleksteri, basseınderdiń sanynan kóri aptekalardyń sany 20 esege deıin kóp. Tipti, aýyldyq jerde sport kompleksteri de joq. Sonda halyqtyń barlyǵy aýrý ma? Barlyq aýyl, mektepterde orta jáne joǵary oqý oryndarynda shahmat, toǵyzqumalaq syndy oıyndardy mindetteý qajet. Osylaı buqaralyq sportty, jastardyq ıntellektýaldyq damýyna kóńil bólsek, ózimizdiń ishimizden de álem chempıondary shyǵady», - deıdi Januzaq Ákim.
Odan bólek, qoǵam belsendisiniń aıtýynsha, legıonerlerdi bir orynda máńgi ustap tura almaımyz.
«Legıonerler búgin bar, erteń joq. Qaı jerden keldi, sol jerge ketedi. Legıoenerde otan bolmaıdy. Olardyń otany - konversııa, aqsha tabý. Sondyqtan osyny umytpaǵanymyz jón. Biz áleýmettik ınnovaııaǵa, jalpy ekonomıkany ınnovaııaǵa aınaldyrýǵa kóp kóńil bólýimiz kerek. Al ekonomıkasy shıkizat elderdiń bári kedeı, kóbi qaıyrshy. Máselen, Venesýela munaıdan álemde 3-shi oryn alady. Biraq halqy kedeı, qaıyrshy bolyp ketken. Sondyqtan biz zaman aǵymyna saı adamǵa kóńil bólýimiz kerek. Ózimizdiń azamattarǵa jaǵdaı jasaýymyz qajet. Ol úshin buqaralyq sportty damytýymyz kerek.. Al otandyq sportty damytý, ol - ulttyq patrıotızm», dep sózin aıaqtady.
«Adyrna» ulttyq portaly
