Qazaqstandyqtar Túrkııada zilzaladan zardap shekken túrik aǵaıyndarǵa 120 kıiz úı jiberedi. Bul týraly qoǵam belsendisi Arman Shoraev habarlady, dep jazady "Adyrna" ulttyq portaly.
"Túrkııaǵa 100 emes, 120 kıiz úı jóneltiledi! Bul qýanyshty habardy maǵan Nurbek Bekbaý baýyrym jazdy. Osy sebepten ol qarajat jınaýdy jabady. Barlyq qatysqandarǵa kóp rahmet! Rızamyn!!!", - dep jazdy Shoraev.
"Túrkııaǵa 100 kıiz úı" naýqanyn bastap, ıgi istiń sebepkeri bolǵan Nurbek Bekbaý tıisti qarajat jınalǵanyn málim etti.
"Dál qazirge 20 mln. teńgeden asatyn aqsha jınaldy. Mine, 45 kıiz úıdi satyp alýǵa aqshasyn aýdardyq. Buǵan 17 mln 300 myń teńge ketti. Endi 2 mln 700 myńǵa taǵy da 10 kıiz úı alamyz. Birer mınýtta kıiz úılerdiń vıdeosyn jarııalaımyn. Kásipker aǵalar 50-ge jeterdeı kıiz úı satyp alyp, áýejaı qoımasyna qoıdy. Iaǵnı bizden 50-den astam jáne jeke kásipkerlerden 50, jalpy 100-den astam kıiz úı Túrkııaǵa jiberiledi. Aqsha jiberýdi toqtataıyq. Sbor jabyldy!", - dep jazdy jýrnalıst.
"Adyrna" ulttyq portaly
