2022 jyldyŋ basynan berı 3 myŋnan astam etnikalyq qazaq qandas märtebesın aldy. Būl turaly Eŋbek jäne halyqty äleumettık qorǧau ministrlıgınıŋ baspasöz qyzmetı habarlady, - dep jazady "Adyrna".
«1 säuırdegı jaǧdai boiynşa 3 078 etnikalyq qazaq tarihi otanyna oralyp, kandas märtebesın aldy. 1991 jyldan berı barlyǧy 1 90,1 million etnikalyq qazaq respublikaǧa oraldy», - delıngen habarlamada.Jyl basynan berı Qazaqstanǧa kelgen qandastardyŋ jartysynan astamy (66,3 paiyzy) Özbekstannan, 11,3 paiyzy Qytaidan, 10,9 paiyzy Türıkmenstannan, 2,2 paiyzy Moŋǧoliiadan jäne 9,3 paiyzy basqa elderden oralǧan. Otanyna oralǧan etnikalyq qazaqtar: Almaty oblysynda (30,2 paiyz); Maŋǧystau oblysynda (19 paiyz); Türkıstan oblysynda (11,4 paiyz); Jambyl oblysynda (5,9 paiyz), sondai-aq Almatyda (6,5 paiyz), Nūr-Sūltanda (7,1 paiyz) jäne Şymkentte (7,6 paiyz). 1 säuırdegı jaǧdai boiynşa eŋbekke qabılettı jastaǧy etnikalyq köşıp-qonuşylardyŋ sany 62,7 paiyzdy qūrasa, 23,2 paiyzy eŋbekke jaramdy jastan kışı adamdar jäne 14,1 paiyzy zeinetkerler. Eŋbekke jaramdy jastaǧy qandastardyŋ bılım deŋgeiı boiynşa 11,5 paiyzy joǧary, 39,6 paiyzy arnauly orta bılımdı, 47 paiyzy jalpy orta bılımdı, 1,8 paiyzy bılımı joq. Eske salaiyq, Qazaqstanda «oralman» sözı «kandas» terminımen auystyryldy. Tiıstı zaŋǧa prezident Qasym-Jomart Toqaev qol qoidy.
"Adyrna" ūlttyq portaly
Ūqsas jaŋalyqtar
