2022 jyldyń basynan beri 3 myńnan astam etnıkalyq qazaq qandas mártebesin aldy. Bul týraly Eńbek jáne halyqty áleýmettik qorǵaý mınıstrliginiń baspasóz qyzmeti habarlady, - dep jazady "Adyrna".
«1 sáýirdegi jaǵdaı boıynsha 3 078 etnıkalyq qazaq tarıhı otanyna oralyp, kandas mártebesin aldy. 1991 jyldan beri barlyǵy 1 90,1 mıllıon etnıkalyq qazaq respýblıkaǵa oraldy», - delingen habarlamada.
Jyl basynan beri Qazaqstanǵa kelgen qandastardyń jartysynan astamy (66,3 paıyzy) Ózbekstannan, 11,3 paıyzy Qytaıdan, 10,9 paıyzy Túrikmenstannan, 2,2 paıyzy Mońǵolııadan jáne 9,3 paıyzy basqa elderden oralǵan.
Otanyna oralǵan etnıkalyq qazaqtar:
Almaty oblysynda (30,2 paıyz);
Mańǵystaý oblysynda (19 paıyz);
Túrkistan oblysynda (11,4 paıyz);
Jambyl oblysynda (5,9 paıyz),
sondaı-aq Almatyda (6,5 paıyz), Nur-Sultanda (7,1 paıyz) jáne Shymkentte (7,6 paıyz).
1 sáýirdegi jaǵdaı boıynsha eńbekke qabiletti jastaǵy etnıkalyq kóship-qonýshylardyń sany 62,7 paıyzdy qurasa, 23,2 paıyzy eńbekke jaramdy jastan kishi adamdar jáne 14,1 paıyzy zeınetkerler.
Eńbekke jaramdy jastaǵy qandastardyń bilim deńgeıi boıynsha 11,5 paıyzy joǵary, 39,6 paıyzy arnaýly orta bilimdi, 47 paıyzy jalpy orta bilimdi, 1,8 paıyzy bilimi joq.
Eske salaıyq, Qazaqstanda «oralman» sózi «kandas» termınimen aýystyryldy. Tıisti zańǵa prezıdent Qasym-Jomart Toqaev qol qoıdy.
"Adyrna" ulttyq portaly
