Qazaqstan ekologiia reitingı boiynşa eŋ soŋǧy orynda tūr, dep habarlaidy “Adyrna” ūlttyq portaly.
Energyprom.kz mälımetıne süiensek, Qazaqstandaǧy qorşaǧan ortany qorǧauǧa, jaqsartuǧa milliardtaǧan dollar da kömektespeitın siiaqty. CCPI (Climate Change Performance Index) 2022 reitingıne säikes, Qazastan eŋ tömengı oryndy ūpai jinaqtady, iaǧni 19,81. Ötken jylmen salystyrǧanda toǧyz pozisiiaǧa tömen.
CCPI - 2005 jyldan berı jyl saiyn jariialanatyn klimattyŋ özgerıp otyruyn tekseredı. Būl 60 el men Europalyq Odaqtaǧy klimatty qorǧaudyŋ tiımdılıgıne arnalǧan täuelsız baqylau qūraly.
Klimat özgeruınıŋ tiımdılıgı tört sanat boiynşa baǧalanady:
• parniktık gazdar şyǧaryndylary;
• jaŋartylǧan energiia;
• energiiany paidalanu;
• klimattyq saiasat.
Tört kategoriia boiynşa Qazaqstannyŋ reitingı öte tömen.
Mäselen:
parniktık gazdar şyǧaryndylary boiynşa Qazaqstan 64-tıŋ ışınde 63-şı orynǧa
Al energiiany paidalanu sanatynda 63-oryn
Jaŋartylatyn energiia sanatynda 59-şy,
klimat saiasaty boiynşa 54-şı orynda.
Alǧaşqy eŋ jaqsy degen körsetkışke laiyq üş oryn bos qaldy. Öitkenı bırde-bır el indeks sanattary boiynşa jaqsy nätije körsetken joq. Üzdıgı Skandinaviia elınde boldy:
4, 5 jäne 6 oryndardy Daniia (76,92 ūpai), Şvesiia (74,46 ūpai) jäne Norvegiia (73,62 ūpai) ielendı.
Resei de reitingı tömen elder qatarynda: 56-oryn jäne 35 ūpai. Belarus būǧan qaraǧanda bırşama jaqsyraq: 48-oryn jäne 46,91 ūpai. Alaida būl da tömen reitingtı bıldıredı.
Soŋǧy oryndarda Qazaqstannan bölek Saud Arabiiasy (63-oryn, 24,45 ūpai) jäne İran (62-oryn, 26,35 ūpai) elderı tūr.
Qazaqstanda qorşaǧan ortany qorǧauǧa baǧyttalǧan negızgı kapitalǧa qūiylatyn investisiia kölemı östı. 2020 jylǧy qaŋtar-qyrküiekte 115,9 mlrd teŋge bolsa, qazır 118,9 mlrd teŋgenı qūraidy.
2021 jyly salaǧa qūiylǧan investisiianyŋ jalpy kölemınıŋ üşten bır bölıgı derlık tek Jambyl oblysynyŋ ülesıne tidı – 39,1 mlrd teŋge. Üşten bırınen astamy Aqtöbe oblysyna (18,8 mlrd teŋge), Nūr-Sūltanǧa (14,2 mlrd teŋge) jäne Atyrau oblysyna (11 mlrd teŋge) tiesılı.
Şotlandiianyŋ Glazgo qalasynda ötken klimattyq konferensiiada Qazaqstan 50-ge juyq memleket qol qoiǧan kömırden taza energiiaǧa jahandyq köşu jönındegı mälımdemege qosyldy.
“Adyrna” ūlttyq portaly
