Nazarbaev qazaqstandyqtardy Naýryz meıramymen quttyqtady

1549

Qazaqstannyń Tuńǵysh Prezıdenti Nursultan Nazarbaev Qazaqstan halqyn Naýryz meıramymen quttyqtap, baqyt, densaýlyq jáne baq-bereke tiledi, - dep habarlaıdy "Adyrna" tilshisi Elbasy.kz saıtyna silteme jasap.

Nursultan Nazarbaev bizge sonaý yqylym zamannan kele jatqan qasterli merekelerdiń biri – Naýryz – elimizdiń dostyǵynyń, birligi men turaqtylyǵynyń sımvoly ekenin atap ótti.

"Qazaq halqynyń uly mádenıeti men baı salt-dástúrinen bastaý alǵan mereke izgilik pen yntymaq, tatýlyq pen syılastyq syndy máńgilik qundylyqtardyń jarshysy sanalady.

Búgingi tańda álemniń ár túkpirinde bolyp jatqan oqıǵalar bul meıramnyń mańyzdylyǵyn odan ári arttyra túskeni sózsiz. Ol bizge qoǵamdaǵy kelisimniń, kópultty elimizdegi tynyshtyq pen mamyrajaı ómirdiń qadirin túsinýge kómektesedi.

Tirshilikti túletken kóktem merekesi janymyzdy jadyratyp, Otanymyzdyń ıgiligi jolynda jańa jetistikterge jetý úshin boıymyzǵa kúsh-qýat pen sarqylmas jiger beredi.

Ulystyń uly kúninde barshańyzǵa myqty densaýlyq, baq-bereke tileımin! Áz-Naýryz shańyraqtaryńyzǵa yrys pen molshylyq ákelsin" dedi Elbasy.

"Adyrna" ulttyq portaly

Pikirler
Uqsas jańalyqtar