Memleket basşysy Qasym-Jomart Toqaev qazaqstandyqtardy Otan qorǧauşylar künımen qūttyqtady, dep habarlaidy «Adyrna» tılşısı.
Prezident būl merekenıŋ memlekettık ärı qoǧamdyq maŋyzy erekşe ekenın atap ötıp, jauyngerlerdıŋ erlıgı, ruhy men qaisarlyǧy ärdaiym qūrmetke laiyq ekenın aitty.
«Būl – Qazaqstannyŋ qauıpsızdıgın, tūraqtylyǧy men tynyştyǧyn kündız-tünı qas qaqpai küzetken, sondai-aq qazır Otan aldyndaǧy boryşyn adal ötep jatqan barşa azamatqa qūrmet körsetıletın kün. El jauyngerlerı men komandirlerı batyr babalarymyzdyŋ daŋqty jolyn jalǧastyryp, naǧyz otanşyldyq ruhynyŋ jarqyn ülgısın körsetıp keledı. Sardarlar men sarbazdardyŋ, barlyq küştık qūrylym qyzmetkerlerınıŋ bıtımgerlık missiialar, arnauly oqu-jattyǧu jiyndary men türlı halyqaralyq saiystar kezındegı käsıbi şeberlıgı, temırdei tärtıbı men jauyngerlık daiarlyǧy – sonyŋ aiqyn dälelı. Quatty äskerımız eŋ kürdelı mındetterdı oryndauǧa qaşan da daiyn ekenı sözsız. Sondyqtan memleket elımızdıŋ qorǧanys qabıletın küşeituge jäne äskeri qyzmetşılerdıŋ äleumettık jaǧdaiyn jaqsartuǧa ärdaiym basa män beredı»,– dedı ol.
Qasym-Jomart Toqaev Konstitusiiadaǧy «Qazaqstan Respublikasyn qorǧau – är azamattyŋ qasiettı paryzy» degen qaǧidanyŋ memleket pen halyqtyŋ özara jauapkerşılıgın aiqyndaitynyn jetkızdı.
«Bız Otanǧa qaltqysyz qyzmet etu qaǧidatyn jäne Konstitusiiada aiqyndalǧan myzǧymas qūndylyqtardy negızge ala otyryp, san ǧasyrlyq tarihy bar memlekettılıgımızdıŋ tūǧyryn nyǧaita tüsemız, biık maqsat-mūratymyzǧa jetıp, Ädılettı, Küştı, Qauıpsız Qazaqstandy qūramyz. Men būǧan kämıl senemın. Antyna adal bolyp, tabandylyq tanytyp, mınsız qyzmet etıp jürgen Otan qorǧauşylarymyzǧa alǧys aitamyn. Barşa azamattarymyzǧa myqty densaulyq, amandyq jäne tabys tıleimın! Armiiamyzdyŋ aibyny, halqymyzdyŋ yntymaǧy arta bersın! Qasterlı Täuelsızdıgımızdıŋ tūǧyry bekem bolsyn!»– dep tüiındedı prezident.
