Qazaqstan UOK prezıdenti Parıj Olımpıadasynda kúmisti enshilegen gımnastshyny jeńisimen quttyqtady, dep habarlaıdy “Adyrna” ulttyq portaly.
UOK prezıdenti Gennadıı Golovkın Parıj Olımpıadasynda sporttyq gımnastıkadan kúmis medal alǵan Narıman Qurbanovqa quttyqtaý jedelhatyn joldady.
"Narıman Qurbanovty Olımpıada oıyndaryndaǵy kúmis júldesimen quttyqtaımyn!
Táýelsizdik tarıhynda tuńǵysh ret bizdiń elimiz sporttyq gımnastıkadan Olımpıada tuǵyryna kóterildi. Jeńiske degen jigerińiz jáne qaısar minezińizdiń arqasynda Siz barsha qazaqstandyq jankúıerdiń júregine jol tarttyńyz.
Jeke bapkerińiz Hýsanjan Kýrbanovqa da óz quttyqtaýymdy joldaımyn. Bul júldeniń artynda Sizdiń de, bapkerińizdiń de eńbegi jatyr. Olımpıada oıyndarynda Siz jeńip alǵan alǵashqy kúmis medal bolashaqta jarqyn jeńisterge jeteleıtinine senemin!” - delingen quttyqtaý hatynda.
