Seısenbi Úkimet otyrysynan keıin Ádilet mınıstri Azamat Esqaraev jýrnalısterdiń Nursultan Nazarbaev pen onyń otbasynyń artyqshylyqtaryna qatysty suraǵyna jaýap berdi, dep habarlaıdy «Adyrna» ulttyq portaly Kýrsıvke silteme jasap.
«Qazaqstan zańnamasy Nursultan Nazarbaev pen onyń otbasyna belgili bir artyqshylyq beretin normalardan tolyǵymen tazartyldy dep aıta alamyz ba? – dep surady tilshiler Ádilet mınıstrinen.
«Bul jumys jalǵasyn taýyp, zańnamaǵa tıisti túzetý engizildi. Munyń barlyǵy qańtar aıynda qabyldanǵan zańdy júzege asyrýdyń qısyndy jalǵasy boldy», – dep jaýap berdi Azamat Esqaraev.
BAQ ókilderi burynǵy prezıdentte qandaı kepildikter saqtalyp qalǵanyn naqtylady.
«Onyń qol suǵylmaýshylyq kepildigi bar. Kólik qyzmetin paıdalaný quqyǵy bar. Baspanasy bar. Bulardyń otbasyna qatysy joq», – dedi A. Esqaraev.
29 qyrkúıekte Ortalyq kommýnıkaııalar qyzmetinde ótken brıfıngte tilshiler «N.Nazarbaevty barlyq zańdardan «syzyp tastaý» úderisi aıaqtaldy ma, eks-prezıdenttiń qandaı artyqshylyǵy bar?» dep suraǵanda Ádilet mınıstri joǵarydaǵydaı mazmunda jaýap bergen.
«Bul úrdister qańtarda qabyldanǵan zań negizinde júzege asyp jatyr. Al eks-prezıdenttiń mártebesine keler bolsaq,«Qazaqstan Respýblıkasynyń Prezıdenti týraly» konstıtýııalyq zańymyzda eks-prezıdentke tıisti kepildikter qarastyrylǵan. Oǵan sáıkes, eks-prezıdent turǵyn úı jáne kólikpen qamtamasyz etilýi kerek. Prezıdent týraly Konstıtýııalyq zańda bul naqty kórsetilgen», – degen edi A.Esqaraev.
Qańtar aıynda parlament «QR Tuńǵysh Prezıdenti – Elbasy týraly» Konstıtýııalyq zańnyń kúshi joıyldy dep taný týraly» zańdy qabyldady. Bul qujat Nazarbaevty birqatar artyqshylyqtardan, sonyń ishinde Elbasy mártebesinen aıyrdy. Keıin ol Nazarbaev ýnıversıteti, Nazarbaev zııatkerlik mektepteri jáne Nazarbaev qory sııaqty bilim berý uıymdarynyń joǵary qamqorshylyq keńesiniń basshysy mártebesin joǵaltty.
Eske sala keteıik, osyǵan deıin eks-Prezıdent akııalarynan, kitaphanasynan, "Qurmetti senator" syndy birneshe ataǵynan aıyrylǵan bolatyn.
«Adyrna» ulttyq portaly
