Qazaqstanda qaŋtar aiynda bolǧan töŋkerıs äreketın ūiymdastyruşylar künı bügınge deiın atalmady, dep jazady "Adyrna" ūlttyq portaly.
Bügınge deiın memleketke opasyzdyq jasady jäne bilıktı küşpen basyp aluǧa äreket jasady degen aiyppen ūstalǧan būrynǧy joǧary lauazymdy şeneunıkterdıŋ arasynda ŪQK-nıŋ būrynǧy basşysy Kärım Mäsımov pen onyŋ ekı orynbasary bar. Bıraq tergeu Mäsımovtıŋ ısın qūpiiada qaldyrdy. Prezident Qasym-Jomart Toqaevtyŋ aituynşa, tärtıpsızdıkter kezınde Ūlttyq qauıpsızdık komitetınıŋ keibır bölım basşylary ǧimarattardy kerısulersız tastap, qaru-jaraq pen qūpiia qūjattaryn da tastap ketken.
Saiasattanuşy Andrei Chebotarev "31 arna" tılşılerıne tergeu ısterıne qatysty tüsınıkteme bere otyryp, Mäsımovtıŋ qaŋtar oqiǧasyndaǧy rölı künı bügınge deiın naqtylanbaǧanyn atap öttı.
"Endı būl jaǧdaida Kärım Mäsımovtıŋ kım bolǧanyn tüsınu maŋyzdy. Nemese ol töŋkerıs äreketıne qatysuşylardyŋ bırı boldy, bıraq keiın onyŋ jalǧyz äreket etpegenı belgılı boldy - onyŋ mūndai dürbeleŋdı ūiymdastyruǧa äleuetı jetpes edı. Nemese, köpşılık aitqandai, ol būl jaǧdaidy qandai da bır saiasi maqsatta paidalandy: ol öz bölımşesıne oqiǧaǧa aralaspaudy būiyrdy nemese barlyǧy tolyq qarulanuy kerek jaǧdaida bırtürlı beitaraptyq äreket saqtap, tynyş keiıpte qaluǧa būiryq berdı», - dep basa aitty sarapşy.Jalpy, bügınde qaŋtar oqiǧasy boiynşa üş myŋnan astam qylmystyq ıs qozǧaldy. Onyŋ 15-ı – «Otanǧa opasyzdyq» jäne «Bilıktı basyp aluǧa ärekettenu» baptary boiynşa. ŪQK-nıŋ būrynǧy tergeuşısı Jandılda Jaqypovtyŋ boljauynşa, memleketke opasyzdyq jasady degen aiyppen qamauǧa alu ısterı älı de jalǧasyn tabady dep boljaidy.
«Ärine, olar mūnymen toqtap qalmaidy.Būl menıŋ subektivtı pıkırım, qatelesuım de mümkın. Būl ädettegıden tys qylmys, asa qauıptı qylmys bolǧandyqtan, būl qylmystar, ädette, bır adamnyŋ bastamasymen ǧana jasalmaidy, ekı emes, odan da köp. Tıptı «15 qylmystyq ıs – köp närseden habar beredı. Tūtqyndar köbeietınıne senemın» dedı ol.
"Adyrna" ūlttyq portaly
Ūqsas jaŋalyqtar
