Nókistegi narazylyq boıynsha aıyptalǵan Dáýletmurat Tájimuratov 16 jylǵa sottaldy, dep habarlaıdy “Adyrna” ulttyq portaly Azattyq saıtyna siltep.
31 qańtarda Qaraqalpaqstan sotynyń sýdıasy Elýbaı Abıbýllaev Nókistegi narazylyq boıynsha aıyptalǵan 22 adamnyń isine qatysty úkim shyǵardy.
Úkim boıynsha, "El qyzmetinde" ("El hyzmetınde") gazetiniń advokaty Dáýletmurat Tájimuratov 16 jylǵa sottaldy. Sot ony "Ózbekstannyń konstıtýııalyq qurylymyn buzý nemese bılikti basyp alý maqsatynda sóz baılasý" jáne "jappaı tártipsizdik uıymdastyrý" baptarymen aıypty dep tanydy. Buǵan deıin prokýrorlar Dáýletmurat Tájimuratovty 18 jylǵa sottaýdy suraǵan.
Jaza merzimi ol qamaýǵa alynǵan 2022 jylǵy 2 shildeden bastap esepteledi. Úkimge saı, Tájimuratov 228,8 mıllıon sým (20 myń dollardan astam) kóleminde shyǵyn da óteýi kerek.
Odan bólek, Azamat Týrdanov, Ahmet Smetýllaev jáne Azamat Nýratdınovter bas bostandyǵyn shekteý jazasyn aldy, Makan.uz saıtynyń negizin qalaýshy, jýrnalıst Lolagúl Qallyhanovaǵa shartty jaza taǵaıyndaldy. Sot bultartpaý sharasyn ózgertip, olardy zaldan bosatty.
Eske salaıyq, byltyr shildede Qaraqalpaqstanda Tashkenttiń Konstıtýııany ózgertý týraly bastamasyna qarsy narazylyq bolǵan.Tashkent usynǵan túzetýler arasynda Qaraqalpaqstan avtonom respýblıkasyn Ózbekstan quramynan shyǵý quqyǵynan aıyratyn pýnkt boldy.
Qaraqalpaqstandaǵy narazylyqty basyp-janshý kezinde kemi 21 adam qaza bolǵan, arasynda kúsh qurylymdarynyń tórt qyzmetkeri bar. 270-ten astam adam jaralanǵan. Jappaı narazylyqtan keıin Tashkent daýly túzetýlerdi jobadan alyp tastady. Bılik "tártipsizdikti qozdyrǵan" syrtqy kúshterdi aıyptady.
