Nökıstegı narazylyq boiynşa aiyptalǧan Däuletmūrat Täjımūratov 16 jylǧa sottaldy, dep habarlaidy “Adyrna” ūlttyq portaly Azattyq saityna sıltep.
31 qaŋtarda Qaraqalpaqstan sotynyŋ sudiasy Elubai Abibullaev Nökıstegı narazylyq boiynşa aiyptalǧan 22 adamnyŋ ısıne qatysty ükım şyǧardy. Ükım boiynşa, "El qyzmetınde" ("El hyzmetinde") gazetınıŋ advokaty Däuletmūrat Täjımūratov 16 jylǧa sottaldy. Sot ony "Özbekstannyŋ konstitusiialyq qūrylymyn būzu nemese bilıktı basyp alu maqsatynda söz bailasu" jäne "jappai tärtıpsızdık ūiymdastyru" baptarymen aiypty dep tanydy. Būǧan deiın prokurorlar Däuletmūrat Täjımūratovty 18 jylǧa sottaudy sūraǧan. Jaza merzımı ol qamauǧa alynǧan 2022 jylǧy 2 şıldeden bastap esepteledı. Ükımge sai, Täjımūratov 228,8 million sum (20 myŋ dollardan astam) kölemınde şyǧyn da öteuı kerek. Odan bölek, Azamat Turdanov, Ahmet Smetullaev jäne Azamat Nuratdinovter bas bostandyǧyn şekteu jazasyn aldy, Makan.uz saitynyŋ negızın qalauşy, jurnalist Lolagül Qallyhanovaǧa şartty jaza taǧaiyndaldy. Sot būltartpau şarasyn özgertıp, olardy zaldan bosatty. Eske salaiyq, byltyr şıldede Qaraqalpaqstanda Taşkenttıŋ Konstitusiiany özgertu turaly bastamasyna qarsy narazylyq bolǧan.Taşkent ūsynǧan tüzetuler arasynda Qaraqalpaqstan avtonom respublikasyn Özbekstan qūramynan şyǧu qūqyǧynan aiyratyn punkt boldy. Qaraqalpaqstandaǧy narazylyqty basyp-janşu kezınde kemı 21 adam qaza bolǧan, arasynda küş qūrylymdarynyŋ tört qyzmetkerı bar. 270-ten astam adam jaralanǧan. Jappai narazylyqtan keiın Taşkent dauly tüzetulerdı jobadan alyp tastady. Bilık "tärtıpsızdıktı qozdyrǧan" syrtqy küşterdı aiyptady.Ūqsas jaŋalyqtar
