"Qazaqstan men Resei yntymaqtastyqtyŋ joǧary deŋgeiıne qol jetkızdı". Būl pıkırdı Qazaqstan men Reseidıŋ öŋıraralyq yntymaqtastyq forumynyŋ XVIII jalpy otyrysynda Memleket basşysy Qasym-Jomart Toqaev aitty, dep jazady "Adyrna" ūlttyq portaly.
«Eŋ aldymen, osy şarany joǧary deŋgeide ūiymdastyrǧany üşın RF-nyŋ prezidentı men barlyq reseilık ärıptesterge öz rizaşylyǧymdy bıldırgım keledı. Forum taqyrybynyŋ özı halyqaralyq saudadaǧy daǧdarys pen geosaiasi belgısızdıktıŋ qazırgı jaǧdaiynda zor maŋyzǧa ie. Şynynda da, barlyq şekteulerdı alyp tastau jäne saudada özara tiımdı jaǧdai jasau elderımızdıŋ sapaly ekonomikalyq ösımıne negız bolady. Sondyqtan bügıngı kezdesuımızdıŋ erekşe maŋyzy bar», - dedı Toqaev.Toqaev Düniejüzılık sauda ūiymynyŋ derekterıne sılteme jasap, liberaldy sauda kelısımderınıŋ bastauynda tūrǧan älemnıŋ eŋ damyǧan elderı soŋǧy jarty jylda eksporttyq şekteulerdı engızu qarqynyn arttyryp kele jatqanyn atap öttı.
"Mysaly, G20 elderı osy jyldyŋ mamyr aiynan qazanǧa deiın sauda-sattyq kölemı 160 mlrd dollardan aspaityn tauarlarǧa 47 şekteu şaralaryn engızdı. Söz eksportqa ünemı tuyndap otyrǧan şekteuler, qosymşa lisenziialyq talaptar, kvotalar men salyqtar jaiynda bolyp otyr. Osyǧan orai, Qazaqstan men Resei arasyndaǧy yntymaqtastyq, baqytymyzǧa orai, jahandyq ürdısterden aitarlyqtai erekşelenedı. Ötken aida bız ekı el arasyndaǧy diplomatiialyq qarym-qatynastardyŋ ornaǧanyna 30 jyl toluyn atap öttık. Osy uaqyt ışınde memleketterımız myǧym dostyq pen tatu körşılıkke negızdelgen özara tiımdı strategiialyq serıktestık qūra aldy. Elderımız arasynda senımdı, syndarly dialog ornatylyp, yntymaqtastyqtyŋ joǧary deŋgeiıne qol jetkızıldı», - dedı Memleket basşysy.Esterıŋızge sala keteiık, būǧan deiın Memleket basşysy Qasym-Jomart Toqaev Vladimir Putinnıŋ şaqyruymen Reseige resmi saparmen kelgenı habarlanǧan bolatyn. Ekı el prezidentterı Orynborda ötıp jatqan Qazaqstan men Reseidıŋ XVIII Öŋıraralyq yntymaqtastyq forumynyŋ plenarlyq otyrysyna qatysty.
"Adyrna" ūlttyq portaly
Ūqsas jaŋalyqtar
resei
Qazaqstan
Mäskeu
astana
#Toqaev
Putin
saiasat
Prezident
sailau
Orynbor
Qasym-Jomart Toqaev
Vladimir Putin
