Shymkent qalasynyń ákimi Murat Áıtenov ardagerlermen kezdesti. Jyl basyndaǵy dástúrli júzdesýde ótken jylǵy jasalǵan jumystardy saralady. Halyqtyń ál-aýqatyn arttyrýdy, turmys-tirshiligin túzetýdi kózdeıtin aldaǵy atqarylar jobalar men josparlardy aıtty.
«Biz qashanda «úlkenge qurmet, kishige izet» kórsetken halyqpyz. Eldigimizdiń uıytqysy bolǵan aǵa býyn ókilderiniń orny aıryqsha. Osynda otyrǵan árqaısyńyz qurmetke laıyqsyzdar, qalamyzdyń órkendeýine qosqan úlesterińiz úshin alǵys bildiremin. Qalamyz jyldan jylǵa kórkeıip, elimizdegi iri megapolıske aınaldy. Endigi jerde qalamyzdy odan ári damytyp, turǵyndarǵa yńǵaıly jaǵdaı jasaý ol bizdiń mindet. Alǵa qoıǵan josparly mejeni oryndap, osy baǵyttaǵy jumystardy jalǵastyra beremiz», - dedi M.Áıtenov.
Bıylǵy jyl Táýelsizdigimizdiń tarıhynda alǵash ret qasiretti oqıǵamen bastalǵanyn aıtyp - pandemııa tusynda qysyl taıań sátte bolǵan qandy oqıǵa barlyǵymyzdy eseńkiretip tastady. Búkil álem aldynda táýelsizdigimiz ben eldigimiz synǵa tústi. Degenmen el bolyp der kezinde Memleket basshysynyń janyna uıysa bildik. Endigi ýaqytta mundaı qasiretti oqıǵa bolmasyn dep tilegin jetkizdi.
Jıynǵa kelgen ár aýdannyń ardager turǵyndary da óskeleń urpaqqa mura etip qaldyrar táýelsizdigimizdi tuǵyrly etý jolynda birlese jumys jasaýǵa árqashan daıyn ekendikterin jetkizdi. Jumystyń qaı baǵytta aqsap jatqanyn aıtyp, pikirlerimen bólisti.
Sonymen, Shymkent ákimi M.Áıtenovtiń qalanyń áleýmettik-ekonomıkalyq damýy turǵysynda baıandaǵan sandarǵa toqtalsaq,
Ótken jyl qorytyndysymen ónerkásip ónim kólemi 5,4 paıyzǵa, ınvestıııa kólemi 65 paıyzǵa, qurylys jumystary 11 paıyzǵa, paıdalanýǵa berilgen turǵyn úı alańy 56 paıyzǵa, bólshek saýda kólemi 6 paıyzǵa artty.
Óndiris aımaqtarynda 123 joba iske qosylyp, 10 myńǵa jýyq jańa jumys oryndary ashyldy.
Jańadan 2 ındýstrıaldy aımaq ashý jumystary bastaldy.
Aýylsharýashylyq salasynda 14 mlrd. teńgege 24 joba iske qosylyp, 336-den astam jumys orny ashyldy.
Saýda-logıstıka aımaǵynda bıylǵy jyly 4 jańa qoımalardyń qurylysy josparlanýda. 1 kóterme-taratý ortalyǵy salynatyn bolady.
100 mlrd.teńgeni quraıtyn 54 ınvestıııalyq joba iske asyrylyp, 2 500-den asa jańa jumys oryndary ashyldy. Onyń ishinde, sheteldik ınvestorlardyń qatysýymen 23,8 mlrd. teńgege 4 ınvestıııalyq joba iske qosyldy. Investıııa kólemi 460 mlrd. teńgeden asty. Bıyl qalaǵa 540 mlrd. teńge ınvestıııa tartý josparlanýda.
«Bıznestiń jol kartasy-2025» memlekettik baǵdarlamasy aıasynda 9,8 mlrd. teńgege 2 963 jobaǵa qoldaý kórsetildi.
11 myńnan astam orynmen 25 mektep iske qosyldy. 14 úsh aýysymdy mektepter sany 9-ǵa deıin azaıdy. Bıyl 10,5 myńǵa jýyq 16 mekteptiń qurylysyn júrgizip, úsh aýysymdy mekteptr sanyn 9-dan 5-ke deıin tómendetý josparlanýda.
4 jekemenshik medıınalyq ortalyq ashyldy. Medıına mekemeleriniń materıaldy-tehnıkalyq bazasyn jańartý deńgeıi 71,5 paıyzdan 77,3 paıyzǵa jetti.
«Eńbek» baǵdarlamasymen 35 myńnan astam adam qamtyldy. Ekonomıka salalarynda 25 myńnan astam jumys oryndary ashyldy.
115 oıyn jáne sport alańshasy paıdalanýǵa berildi.
1 mln. sharshy metrden astam turǵyn úı paıdalanýǵa berildi.
«Bir úı - bir birlestik - bir shot» qaǵıdasy boıynsha kópqabatty turǵyn úılerdiń 100 paıyzynda basqarý júıesi engizildi.
104 kóshe jaryqtandyryldy.
1 saıabaq paıdalanýǵa berilip, 300 myńnan astam aǵash, kóshetter otyrǵyzyldy.
Shymkent qalasy ákimdiginiń baspasóz qyzmeti
