Şymkentte "Jaily mektep" ūlttyq jobasy aiasynda 12 mektep salynyp jatyr

Şymkent qalasynda «Jaily mektep» ūlttyq jobasy aiasynda 12 bılım ūiasynyŋ qūrylysy jürıp jatyr. Oǧan qosa taǧy 13 mekteptıŋ jobalyq-smetalyq qūjattamasy daiyndalyp, respublikalyq biudjetten qarjylandyruǧa ūsynylǧan. Būl turaly Şymkent qalasy äkımdıgınıŋ bılım basqarmasynan habarlady. Basqarmanyŋ mälımetterıne süiensek, «Jaily mektep» ūlttyq jobasyn aiasynda Şymkent qalasynda 2025 jylǧa deiın 28 000 oryndyq 18 mekteptıŋ qūrylysyn salu josparlanuda. Onyŋ ışınde 2000 oryndyq – 8 mektep, 1500 oryndyq – 2 mektep, 1200 oryndyq – 7 mektep jäne 600 oryndyq 1 mektep bar. Jalpy, Şymkent qalasynda 2022 jyly 46 mektep aşylsa, biyl 21 mektep paidalanuǧa berılgen. Onyŋ ışınde 3 memlekettık mekteptıŋ qosymşa ǧimarattary men 19 928 oquşyǧa arnalǧan 18 jekemenşık mektep bar. Atqarylǧan jūmystardyŋ nätijesınde Şymkent qalasynda üş auysymda oqytatyn mektepterdıŋ mäselesı tolyǧymen şeşımın tapqan. İnfraqūrylymnyŋ damuy men mektepterdıŋ materialdyq-tehnikalyq bazasynyŋ nyǧaiuy bılım sapasyna da oŋ äser etkenı sözsız. Şymkenttık oquşylardyŋ bılım sapasyna qatysty körsetkışterı jyldan jylǧa jaqsaryp keledı. Mäselen, 2021-2022 oqu jyly bılım sapasynyŋ deŋgeiı 51,1 paiyzdy qūrasa, 2022-2023 oqu jyly 56,2 paiyz qūrap, 5,1 paiyzǧa ösken. Şymkenttık oquşylar halyqaralyq jäne respublikalyq bılım saiystarynan 2023 jyly 92 jüldelı orynǧa ie bolǧanyn aita ketken jön. Sonymen qatar biyl 134 228 oquşy künıne bır mezgıl ystyq tamaqpen jäne 53 893 bala mektep formasy üşın berıletın bır rettık qarjylai qoldaumen qamtylǧan. Aita keteiık, Şymkent qalasynda oquşylardy qosymşa bılımmen qamtu mäselesıne airyqşa nazar audarylyp otyr. Mäselen, 2022 jyly qalada qosymşa bılımmen qamtu körsetkışı 77,2 paiyzdy (191 199 oquşy) qūrasa, 2023 jyldyŋ 9 ai qorytyndysymen 84.2 paiyzdy qūrap, 210 278 oquşyǧa jetken. Biyl oquşylardyŋ 85,4 paiyzyn qosymşa bılımmen qamtu josparlanǧan. Būl mejege jetu üşın 2023 jyly jan basyna qarjylandyru esebınen 5 000 balany qosymşa bılımmen qamtu üşın 516,5 mln. teŋge qarjy qaralypty.