شىمكەنت قالاسىنىڭ اكىمى مۇرات ايتەنوۆ ارداگەرلەرمەن كەزدەستى. جىل باسىنداعى ءداستۇرلى جۇزدەسۋدە وتكەن جىلعى جاسالعان جۇمىستاردى سارالادى. حالىقتىڭ ءال-اۋقاتىن ارتتىرۋدى، تۇرمىس-تىرشىلىگىن تۇزەتۋدى كوزدەيتىن الداعى اتقارىلار جوبالار مەن جوسپارلاردى ايتتى.
«ءبىز قاشاندا «ۇلكەنگە قۇرمەت، كىشىگە ىزەت» كورسەتكەن حالىقپىز. ەلدىگىمىزدىڭ ۇيىتقىسى بولعان اعا بۋىن وكىلدەرىنىڭ ورنى ايرىقشا. وسىندا وتىرعان ارقايسىڭىز قۇرمەتكە لايىقسىزدار، قالامىزدىڭ وركەندەۋىنە قوسقان ۇلەستەرىڭىز ءۇشىن العىس بىلدىرەمىن. قالامىز جىلدان جىلعا كوركەيىپ، ەلىمىزدەگى ءىرى مەگاپوليسكە اينالدى. ەندىگى جەردە قالامىزدى ودان ءارى دامىتىپ، تۇرعىندارعا ىڭعايلى جاعداي جاساۋ ول ءبىزدىڭ مىندەت. العا قويعان جوسپارلى مەجەنى ورىنداپ، وسى باعىتتاعى جۇمىستاردى جالعاستىرا بەرەمىز»، - دەدى م.ايتەنوۆ.
بيىلعى جىل تاۋەلسىزدىگىمىزدىڭ تاريحىندا العاش رەت قاسىرەتتى وقيعامەن باستالعانىن ايتىپ - پاندەميا تۇسىندا قىسىل تاياڭ ساتتە بولعان قاندى وقيعا بارلىعىمىزدى ەسەڭكىرەتىپ تاستادى. بۇكىل الەم الدىندا تاۋەلسىزدىگىمىز بەن ەلدىگىمىز سىنعا ءتۇستى. دەگەنمەن ەل بولىپ دەر كەزىندە مەملەكەت باسشىسىنىڭ جانىنا ۇيىسا بىلدىك. ەندىگى ۋاقىتتا مۇنداي قاسىرەتتى وقيعا بولماسىن دەپ تىلەگىن جەتكىزدى.
جيىنعا كەلگەن ءار اۋداننىڭ ارداگەر تۇرعىندارى دا وسكەلەڭ ۇرپاققا مۇرا ەتىپ قالدىرار تاۋەلسىزدىگىمىزدى تۇعىرلى ەتۋ جولىندا بىرلەسە جۇمىس جاساۋعا ارقاشان دايىن ەكەندىكتەرىن جەتكىزدى. جۇمىستىڭ قاي باعىتتا اقساپ جاتقانىن ايتىپ، پىكىرلەرىمەن ءبولىستى.
سونىمەن، شىمكەنت اكىمى م.ايتەنوۆتىڭ قالانىڭ الەۋمەتتىك-ەكونوميكالىق دامۋى تۇرعىسىندا بايانداعان ساندارعا توقتالساق،
وتكەن جىل قورىتىندىسىمەن ونەركاسىپ ءونىم كولەمى 5,4 پايىزعا، ينۆەستيتسيا كولەمى 65 پايىزعا، قۇرىلىس جۇمىستارى 11 پايىزعا، پايدالانۋعا بەرىلگەن تۇرعىن ءۇي الاڭى 56 پايىزعا، بولشەك ساۋدا كولەمى 6 پايىزعا ارتتى.
ءوندىرىس ايماقتارىندا 123 جوبا ىسكە قوسىلىپ، 10 مىڭعا جۋىق جاڭا جۇمىس ورىندارى اشىلدى.
جاڭادان 2 يندۋستريالدى ايماق اشۋ جۇمىستارى باستالدى.
اۋىلشارۋاشىلىق سالاسىندا 14 ملرد. تەڭگەگە 24 جوبا ىسكە قوسىلىپ، 336-دەن استام جۇمىس ورنى اشىلدى.
ساۋدا-لوگيستيكا ايماعىندا بيىلعى جىلى 4 جاڭا قويمالاردىڭ قۇرىلىسى جوسپارلانۋدا. 1 كوتەرمە-تاراتۋ ورتالىعى سالىناتىن بولادى.
100 ملرد.تەڭگەنى قۇرايتىن 54 ينۆەستيتسيالىق جوبا ىسكە اسىرىلىپ، 2 500-دەن اسا جاڭا جۇمىس ورىندارى اشىلدى. ونىڭ ىشىندە، شەتەلدىك ينۆەستورلاردىڭ قاتىسۋىمەن 23,8 ملرد. تەڭگەگە 4 ينۆەستيتسيالىق جوبا ىسكە قوسىلدى. ينۆەستيتسيا كولەمى 460 ملرد. تەڭگەدەن استى. بيىل قالاعا 540 ملرد. تەڭگە ينۆەستيتسيا تارتۋ جوسپارلانۋدا.
«بيزنەستىڭ جول كارتاسى-2025» مەملەكەتتىك باعدارلاماسى اياسىندا 9,8 ملرد. تەڭگەگە 2 963 جوباعا قولداۋ كورسەتىلدى.
11 مىڭنان استام ورىنمەن 25 مەكتەپ ىسكە قوسىلدى. 14 ءۇش اۋىسىمدى مەكتەپتەر سانى 9-عا دەيىن ازايدى. بيىل 10,5 مىڭعا جۋىق 16 مەكتەپتىڭ قۇرىلىسىن جۇرگىزىپ، ءۇش اۋىسىمدى مەكتەپتر سانىن 9-دان 5-كە دەيىن تومەندەتۋ جوسپارلانۋدا.
4 جەكەمەنشىك مەديتسينالىق ورتالىق اشىلدى. مەديتسينا مەكەمەلەرىنىڭ ماتەريالدى-تەحنيكالىق بازاسىن جاڭارتۋ دەڭگەيى 71,5 پايىزدان 77,3 پايىزعا جەتتى.
«ەڭبەك» باعدارلاماسىمەن 35 مىڭنان استام ادام قامتىلدى. ەكونوميكا سالالارىندا 25 مىڭنان استام جۇمىس ورىندارى اشىلدى.
115 ويىن جانە سپورت الاڭشاسى پايدالانۋعا بەرىلدى.
1 ملن. شارشى مەتردەن استام تۇرعىن ءۇي پايدالانۋعا بەرىلدى.
«ءبىر ءۇي - ءبىر بىرلەستىك - ءبىر شوت» قاعيداسى بويىنشا كوپقاباتتى تۇرعىن ۇيلەردىڭ 100 پايىزىندا باسقارۋ جۇيەسى ەنگىزىلدى.
104 كوشە جارىقتاندىرىلدى.
1 ساياباق پايدالانۋعا بەرىلىپ، 300 مىڭنان استام اعاش، كوشەتتەر وتىرعىزىلدى.
شىمكەنت قالاسى اكىمدىگىنىڭ ءباسپاسوز قىزمەتى
