Búgin Shymkent qalasy ákimi Ǵabıt Syzdyqbekovtiń ákimdik ǵımaratynda kezekti biryńǵaı qabyldaý kúni ótti. Qala basshysynyń tikeleı qabyldaýyna aldyn ala 50 azamat jazyldy.
🔷 Qala ákimi jeke qabyldaýǵa jazylǵan ár turǵynnyń máselesin muqııat tyńdap, tıisti basshylarǵa naqty tapsyrmalar berdi. Oǵan qosa, qala basshysy buqaranyń ótinish-tilekteriniń eshbiri eskerýsiz qalmaıtynyn aıtyp, bári zań aıasynda sheshiletinin jetkizdi.
🔷 Sonymen qatar, ákim orynbasarlary, aýdan ákimderi, departament pen basqarma basshylary turǵyndardyń aryz-shaǵymyna nazar aýdaryp, tıimdi sheshý joldaryn aıtty. Al kúrdeli ári sheshimin tabý úshin uzaq merzimdi qajet etetin máseleler ákim orynbasarlarynyń baqylaýynda bolatynyn túsindirdi.
🔷 Kezekti biryńǵaı qabyldaý kúninde baspanamen qamtý, jer telimin bólý jáne áleýmettik máseleler kóp kóterildi. Jalpy, 300-ge jýyq azamattyń ótinish-tilegi tyńdaldy.
🔷 Aıta keteıik, qala ákiminiń jeke qabyldaýyna jazylýdy Shymkent qalasy ákimi apparatynyń ótinishterdi qaraýdy baqylaý bólimi júrgizedi.
Shymkent qalasy ákiminiń baspasóz qyzmeti
