قازاقستان رەسپۋبليكاسى ەڭبەك جانە حالىقتى الەۋمەتتىك قورعاۋ مينيسترلىگى ەلەكتروندىق ەڭبەك بيرجاسىنىڭ پورتالىندا جۇكتىلىك پەن بوسانۋعا بايلانىستى تابىسىنان ايىرىلعان جاعدايدا الەۋمەتتىك تولەمدەردى بەلسەندى تاعايىنداۋعا مۇمكىندىك بەرەتىن جاڭا فۋنكتسيانى ىسكە قوستى، دەپ حابارلايدى "ادىرنا" ۇلتتىق پورتالى.
"اعىمداعى جىلدىڭ مامىر ايىنان باستاپ ەەب قازاقستانداعى جۇمىس بەرۋشىلەرگە الەۋمەتتىك دەكرەتتىك پاراقتاردىڭ ەڭبەك كەلىسىمدەرىن تىركەۋدىڭ بىرىڭعاي جۇيەسىندە تىركەلۋگە مۇمكىندىك بەردى. وسىنىڭ ارقاسىندا دەمالىسقا كەتكەن جۇمىسشىلارعا ءتيىستى الەۋمەتتىك تولەم تاعايىنداۋ ءوتىنىش بەرۋشىنىڭ قاتىسۋىنسىز پرواكتيۆتى فورماتتا جۇزەگە اسىرىلۋى مۇمكىن. بۇل قىزمەت ارقىلى حالىققا قىزمەت كورسەتۋ ورتالىعىنىڭ كومەگىنە جۇگىنبەي-اق، وسى تولەمگە ءوتىنىشتى ءوزىڭىز بەرۋگە مۇمكىن بولادى", دەپ حابارلادى ەڭبەك مينيسترلىگى.
تۇسىندىرىلگەندەي، الەۋمەتتىك دەكرەتتىك دەمالىس العان قىزمەتكەرگە تولەمدەردى بەلسەندى تۇردە تاعايىنداۋ ءۇشىن جۇمىس بەرۋشى قىزمەتكەردىڭ شىعۋ فاكتىسىن ەلەكتروندىق بيرجانىڭ پورتالىنداعى جەكە كابينەتىندە تىركەۋى كەرەك.
دەرەكتەر ەڭبەك كەلىسىم-شارتتارىن ەسەپكە الۋدىڭ بىرىڭعاي جۇيەسىنە جىبەرىلەدى. ءوز كەزەگىندە، دەكرەتتىك دەمالىسقا شىققان قىزمەتكەر الەۋمەتتىك تولەمدەردى تاعايىنداۋعا كەلىسىم تۋرالى سۇرانىستى SMS ارقىلى پرواكتيۆتى فورماتتا الادى، وعان ءۇش كۇن ىشىندە جاۋاپ بەرۋ كەرەك.
"ادىرنا"ۇلتتىق پورتالى
