تۇركىستان وبلىسىندا ءجۋرناليستتىڭ ۇيىنە شابۋىل جاسالدى - جاراقات العان ۇلى جانساقتاۋ بولىمىندە

4069

بۇگىن، 4 قاڭتاردا ساعات 23:00 شاماسىندا جۋرناليست امانگەلدى باتىربەكوۆتىڭ ۇيىنە شابۋىل جاسالىپ، ەكى رەت اتىلعان وقتان ۇلى جاراقات العان. ۇلى جانساقتاۋ بولىمىندە جاتىر، دەپ حابارلايدى "ادىرنا" ۇلتتىق پورتالى. بۇل تۋرالى قوعام بەلسەندىسى رۇستەم اشەتاەۆ الەۋمەتتىك جەلىدە جاريالادى. 

"قالتالى قىلمىسكەرلەر" بارىنە بارا الاتىنىن كورسەتىپ جاتىر دەپ ويلايمىن!
بىراق، كۇش ادىلەتتە!، دەپ جازدى رۇستەم اشەتاەۆ ءوزىنىڭ پوستىندا. 

بۇل جايت 03.01.2022 ج. سارىاعاش اپب-دە قر قك-ءنىڭ 24-99 بابى «ادام ولتىرۋگە وقتالۋ» بويىنشا تىركەۋگە الىندى. سونىمەن قاتار جەدەل تۇردە قۇرامىندا كريمينالدىق پوليتسيا باسقارماسىنىڭ پوليتسەيلەرى بار ارنايى توپ قۇرىلدى. بۇگىندە تۇركىستان وبلىسى پوليتسيا دەپارتامەنتى باستىعىنىڭ ورىنباسارى پوليتسيا پودپولكوۆنيگى ق.ساحوۆ تاجىريبەلى پوليتسەيلەرمەن بىرگە وقيعا ورنىندا جۇمىس اتقارۋدا. قىلمىستى اشۋعا باعىتتالعان شارالاردىڭ بارلىعى جاسالۋدا، دەپ مالىمدەدى تۇركىستان وبلىسى پد ءباسپاسوز قىزمەتى.

"ادىرنا" ۇلتتىق پورتالى

پىكىرلەر
رەداكتسيا تاڭداۋى
Серіктестер/Партнеры
Студия IMA - создание сайтов Доставка цветов Астана - Lova Buket