قاراعاندىدا كاراوكە-كلۋبتا اتىس بولىپ، سالدارىنان 23 جاستاعى ەر ادام زارداپ شەكتى، دەپ حابارلايدى "ادىرنا" ۇلتتىق پورتالىنىڭ ءتىلشىسى قاراعاندى وبلىسى پوليتسيا دەپارتامەنتىنىڭ ءباسپاسوز قىزمەتىنە سىلتەمە جاساپ.
كۋاگەرلەر الەۋمەتتىك جەلىدە وقيعا ورنىنا ۆيدەولار جاريالاۋدا. بەينەجازباعا قاتىستى قاراعاندى وبلىسى پوليتسيا دەپارتامەنتىنىڭ ءباسپاسوز قىزمەتى پىكىر ءبىلدىردى.
ءتارتىپ ساقشىلارىنىڭ مالىمەتىنشە، جانجال كلۋبقا كەلۋشى مەن كۇزەتشىنىڭ اراسىندا تۋىنداعان.
- 3 قاڭتاردا ساعات 02.00-دە كەلۋشى مەن كاراوكە-كلۋب كۇزەتشىسىنىڭ اراسىندا جانجال تۋىندادى. 23 جاستاعى قالا تۇرعىنى "جامباس تۇسىنان وق جاراقاتى" دياگنوزىمەن مەديتسينالىق مەكەمەگە جاتقىزىلدى. اتالعان فاكتى بويىنشا "ادام ولتىرۋگە وقتالۋ" بابىمەن سوتقا دەيىنگى تەرگەۋ باستالدى، - دەلىنگەن حابارلامادا.
پوسموترەت ەتۋ پۋبليكاتسيۋ ۆ Instagram
جانجالعا قاتىسقاندار انىقتالىپ، قارۋ تاركىلەندى. ارقايسىسىنىڭ جاسالعان قىلمىستاعى ءرولىن انىقتاۋ ماقساتىندا جەدەل-تەرگەۋ شارالارى جۇرگىزىلۋدە.
"ادىرنا" ۇلتتىق پورتالى