ۋكراينا بايراقتار TB2 سوققى جاساۋشى ۇشقىشسىز ۇشاتىن اپپاراتتارىنىڭ جەكە ءوندىرىسىن باستادى. بۇل تۋرالى ەل پرەزيدەنتى كەڭسەسىنىڭ باسشىسى اندرەي ەرماك حابارلادى.
«ءبىز تۇركيامەن ىنتىماقتاستىعىمىزدى كەڭەيتەمىز. بارلىعى بايراقتاردى جەتكىزۋدەن باستالدى، قازىر ولاردىڭ ءوندىرىسى ۋكراينادا باستالىپ كەتتى »، - دەدى ەرماك Focus-كە بەرگەن سۇحباتىندا. سونداي-اق ول تۇرىكتىڭ «بايراكتار» ۇشقىشسىز ۇشاقتارىنىڭ قوزعالتقىشتارى دا ۋكراينادا وندىرىلەتىنىن ەسكە سالدى.
12 جەلتوقساندا جاڭا ۋكراين-تۇرىك زاۋىتىندا اۋە نىسانالارىنا، باسقا ۇشقىشسىز ۇشاقتارعا قارسى ارەكەت ەتە الاتىن انكا ءتيپتى رەاكتيۆتى ۇشقىشسىز ۇشاتىن اپپاراتتاردى جاساي باستايتىنى حابارلانعان ەدى. ولاردا ۋكرايندىق قوزعالتقىشتار قولدانىلماق.
ءبىر اي بۇرىن ۋكراينا قورعانىس ءمينيسترى الەكسەي رەزنيكوۆ ەلدىڭ قارۋلى كۇشتەرىنىڭ قاجەتتىلىكتەرى ءۇشىن تۇركيادان «بايراقتار» سوققى جاساۋشى دروندارىنىڭ جاڭا پارتياسىن ساتىپ الاتىنىن ايتقان. ونىڭ ايتۋىنشا، ۋكراينا ۇشقىشسىز ۇشاقتاردى بەلسەندى تۇردە قولدانۋدى كوزدەپ وتىر.
"ادىرنا" ۇلتتىق پورتالى
