Ýkraına soqqy jasaýshy "Baıraqtar" drondaryn óndire bastady

3198
Adyrna.kz Telegram

Ýkraına Baıraqtar TB2 soqqy jasaýshy ushqyshsyz ushatyn apparattarynyń jeke óndirisin bastady. Bul týraly el prezıdenti keńsesiniń basshysy Andreı Ermak habarlady.

«Biz Túrkııamen yntymaqtastyǵymyzdy keńeıtemiz. Barlyǵy Baıraqtardy jetkizýden bastaldy, qazir olardyń óndirisi Ýkraınada bastalyp ketti », - dedi Ermak Focus-ke bergen suhbatynda. Sondaı-aq ol túriktiń «Baıraktar» ushqyshsyz ushaqtarynyń qozǵaltqyshtary da Ýkraınada óndiriletinin eske saldy.

12 jeltoqsanda jańa ýkraın-túrik zaýytynda áýe nysanalaryna, basqa ushqyshsyz ushaqtarǵa qarsy áreket ete alatyn ANKA tıpti reaktıvti ushqyshsyz ushatyn apparattardy jasaı bastaıtyny habarlanǵan edi. Olarda ýkraındyq qozǵaltqyshtar qoldanylmaq.

Bir aı buryn Ýkraına qorǵanys mınıstri Alekseı Reznıkov eldiń qarýly kúshteriniń qajettilikteri úshin Túrkııadan «Baıraqtar» soqqy jasaýshy drondarynyń jańa partııasyn satyp alatynyn aıtqan. Onyń aıtýynsha, Ýkraına ushqyshsyz ushaqtardy belsendi túrde qoldanýdy kózdep otyr.

"Adyrna" ulttyq portaly

Pikirler