قر تاۋەلسىزدىگىنىڭ 30 جىلدىعىن مەرەكەلەۋگە ارنالعان «جۇلدىزدى 30 كۇن» مەرەكەلىك ءىس-شارالار جوسپارىنا سايكەس، ءۇشىنشى مەگاپوليستەگى ا.اسقاروۆ اتىنداعى شىمكەنت مەملەكەتتىك دەندرولوگيالىق ساياباعىندا بۇقارالىق جۇگىرۋ سپورتتىق ءىس-شاراسى ءوتتى. سپورتتىق باسەكەدە سانيتارلىق تالاپتار تولىق ساقتالدى.
بۇقارالىق جۇگىرۋ سپورتتىق ءىس-شاراسىنا قالا تۇرعىندارى، وليمپيادا ويىندارىنىڭ جۇلدەگەرلەرى، دەنە شىنىقتىرۋ جانە سپورت باسقارماسىنىڭ جانە باسقارماعا قاراستى سپورت مەكەمەلەرىنىڭ قىزمەتكەرلەرى، جالپى 400-گە جۋىق ادام قاتىستى.
شىمكەنت قالاسىنىڭ دەنە شىنىقتىرۋ جانە سپورت باسقارماسى باسشىسىنىڭ ورىنباسارى ەرمەك دارمەنوۆ سايىستى سالتاناتتى تۇردە اشىپ بەرگەننەن كەيىن، قاتىسۋشىلار پاتريوتتىق اندەر تىڭداپ، 7 شاقىرىم قاشىقتىقتى جۇگىرىپ ءوتتى.
شاراعا قاتىسۋشىلاردىڭ قاراسى قالىڭ بولدى. بۇل شىمقالادا جىل سايىن سالاۋاتتى ءومىر سالتىن ۇستانىپ، بۇقارالىق سپورتتى سەرىك ەتۋشىلەردىڭ كوبەيىپ كەلە جاتقانىن اڭعارتادى.
سونىمەن سايىس ناتيجەسىندە شىمكەنت قالاسىنىڭ ۇلتتىق جانە ات سپورت تۇرلەرى بويىنشا كەشەندى سپورت كلۋبىنىڭ جاتتىقتىرۋشىسى باقداۋلەت ريسابەكوۆ مارەگە ءبىرىنشى بولىپ جەتتى.
مارەگە الدىڭعى قاتاردا كەلگەن قاتىسۋشىلار تاۋەلسىزدىك كۇنى مەرەكەسى قارساڭىندا ديپلومدار جانە العىس حاتتارمەن ماراپاتتالاتىن بولادى.
