6 شىلدە كۇنى شىمكەنت قالاسىنداعى زووباقتا «استانا» ەسىمدى كەرىكتىڭ تۋعان كۇنى اتالىپ ءوتتى. ول بيىل 15 جاسقا تولىپ وتىر، دەپ حابارلايدى «ادىرنا» ءتىلشىسى.
جانۋار 2010 جىلى 6 شىلدە كۇنى الماتى زووباعىندا تۋعان. 2011 جىلدىڭ 13 قىركۇيەگىندە شىمكەنتكە اكەلىنگەن.
«استانانىڭ» تۋعان كۇنى جىل سايىن ەرەكشە اتاپ وتىلەدى.
«ول – سابىرلى مىنەزى مەن سىمباتتى كەلبەتى ارقىلى كورەرمەندەردىڭ سۇيىكتىسىنە اينالعان ناعىز جۇلدىز. استانا كۇنى دۇنيەگە كەلگەندىكتەن، وعان وسى اتاۋلى كۇننىڭ قۇرمەتىنە ەسىم بەرىلگەن. كۇنىنە 30 كەلى جاپىراق جەپ، بار بولعانى بىرنەشە ساعات قانا ۇيىقتايتىن بۇل كەرىك – كۇتىمى جەڭىل، تابيعاتپەن ۇيلەسىمدە ءومىر سۇرەتىن جانۋار. جىل سايىن شىلدەنىڭ 6-سى كۇنى ونىڭ تۋعان كۇنى ءداستۇرلى تۇردە تويلانادى. بيىل ءبىز وعان ارنايى تورت دايىنداپ، كورەرمەندەرمەن بىرگە ەرەكشە كوڭىل كۇيدە اتاپ وتتىك»،—دەدى شىمكەنت زووباعىنىڭ ءباسپاسوز قىزمەتى.
