QR Táýelsizdiginiń 30 jyldyǵyn merekeleýge arnalǵan «JULDYZDY 30 KÚN» merekelik is-sharalar josparyna sáıkes, úshinshi megapolıstegi A.Asqarov atyndaǵy Shymkent memlekettik dendrologııalyq saıabaǵynda buqaralyq júgirý sporttyq is-sharasy ótti. Sporttyq básekede sanıtarlyq talaptar tolyq saqtaldy.
Buqaralyq júgirý sporttyq is-sharasyna qala turǵyndary, Olımpıada oıyndarynyń júldegerleri, dene shynyqtyrý jáne sport basqarmasynyń jáne basqarmaǵa qarasty sport mekemeleriniń qyzmetkerleri, jalpy 400-ge jýyq adam qatysty.
Shymkent qalasynyń dene shynyqtyrý jáne sport basqarmasy basshysynyń orynbasary Ermek Dármenov saıysty saltanatty túrde ashyp bergennen keıin, qatysýshylar patrıottyq ánder tyńdap, 7 shaqyrym qashyqtyqty júgirip ótti.
Sharaǵa qatysýshylardyń qarasy qalyń boldy. Bul Shymqalada jyl saıyn salaýatty ómir saltyn ustanyp, buqaralyq sportty serik etýshilerdiń kóbeıip kele jatqanyn ańǵartady.
Sonymen saıys nátıjesinde Shymkent qalasynyń ulttyq jáne at sport túrleri boıynsha keshendi sport klýbynyń jattyqtyrýshysy Baqdáýlet Rısabekov márege birinshi bolyp jetti.
Márege aldyńǵy qatarda kelgen qatysýshylar Táýelsizdik kúni merekesi qarsańynda dıplomdar jáne Alǵys hattarmen marapattalatyn bolady.
