شىمكەنت قالاسى اكىمىنىڭ ءبىرىنشى ورىنباسارى شىڭعىس مۇقان تاۋەلسىزدىكتىڭ 30 جىلدىعى مەرەكەسىنە وراي جاستار ساياساتى سالاسىنىڭ دامۋىنا ۇلەس قوسىپ جۇرگەن ءبىر توپ ازاماتتى پرەزيدەنتتىڭ "حالىق العىسى" مەدالىمەن جانە قالا اكىمىنىڭ العىس حاتىمەن ماراپاتتادى.
-تاۋەلسىزدىك جىلدارىندا شاھارىمىز گۇلدەنىپ، كوركەيدى. بارلىق سالادا وركەندەۋ مەن ءوسىم بار. سونىڭ ءبىر مىسالى حالىق سانى. 2025 جىلعا دەيىن قالا تۇرعىندارى 1.3 ملن. ادامعا جەتەدى دەپ بولجانۋدا. سونداي-اق سوڭعى 3 جىلدا بيۋدجەت كولەمى 3 ەسەگە ارتتى. شاھاردىڭ ءۇشىنشى مەگاپوليس اتانۋىمەن مۇمكىندىكتەر تەرەزەسى اشىلدى. ول دا الماتى مەن نۇر-سۇلتان سەكىلدى دامۋ بەلەسىنە كوتەرىلدى. شىمكەنت ادامزات پايدا بولعانى ادام ءىزى ۇزىلمەگەن قۇتتى مەكەن. بۇگىندە مەگاپوليستە جاستاردىڭ تەمىرقازىق بۋىنى ءوسىپ كەلەدى. ەندىگى مىندەت ولاردى قالانىڭ الەۋمەتتىك- ەكونوميكالىق دامۋىنا اتسالىسۋعا تارتۋ كەرەك. جاستار ءاردايىم قوعامنىڭ قوزعاۋشى كۇشى بولىپ قالا بەرەدى، - دەدى شىڭعىس جۇمابەكۇلى.
ماراپاتتالعانداردىڭ ءبىرى شىمكەنت قالاسى باس يمامىنىڭ ورىنباسارى مۇحامەدجان ەستەمىروۆ بۇل سىي-قۇرمەت جاستاردى يماندىلىققا ۇندەۋ جولىنداعى ەڭبەك پەن جاۋاپكەرشىلىكتى ودان سايىن كۇشەيتە تۇسكەنىن جەتكىزدى.
ءانۋار جۇماشباەۆ
فوتو سەرىك قوساەۆ
