Shymkent qalasy ákiminiń birinshi orynbasary Shyńǵys Muqan Táýelsizdiktiń 30 jyldyǵy merekesine oraı jastar saıasaty salasynyń damýyna úles qosyp júrgen bir top azamatty Prezıdenttiń "Halyq alǵysy" medalimen jáne qala ákiminiń alǵys hatymen marapattady.
-Táýelsizdik jyldarynda shaharymyz gúldenip, kórkeıdi. Barlyq salada órkendeý men ósim bar. Sonyń bir mysaly halyq sany. 2025 jylǵa deıin qala turǵyndary 1.3 mln. adamǵa jetedi dep boljanýda. Sondaı-aq sońǵy 3 jylda bıýdjet kólemi 3 esege artty. Shahardyń úshinshi megapolıs atanýymen múmkindikter terezesi ashyldy. Ol da Almaty men Nur-Sultan sekildi damý belesine kóterildi. Shymkent adamzat paıda bolǵany adam izi úzilmegen qutty meken. Búginde megapolıste jastardyń temirqazyq býyny ósip keledi. Endigi mindet olardy qalanyń áleýmettik- ekonomıkalyq damýyna atsalysýǵa tartý kerek. Jastar árdaıym qoǵamnyń qozǵaýshy kúshi bolyp qala beredi, - dedi Shyńǵys Jumabekuly.
Marapattalǵandardyń biri Shymkent qalasy bas ımamynyń orynbasary Muhamedjan Estemirov bul syı-qurmet jastardy ımandylyqqa úndeý jolyndaǵy eńbek pen jaýapkershilikti odan saıyn kúsheıte túskenin jetkizdi.
Ánýar JUMAShBAEV
FOTO Serik QOSAEV
