ەل تاۋەلسىزدىگىنىڭ باسىندا تۇرعان، وتپەلى كەزەڭنىڭ بارلىق قيىنشىلىعىن ەڭسەرىپ، مەملەكەتىمىزدى ساياسي، الەۋمەتتىك، ەكونوميكالىق داعدارىستارعا سوقتىرماي، بۇگىنگى كوز كورگەن ىنتىماق پەن جەتىستىككە قول جەتكىزگەن ەلىمىزدىڭ تۇڭعىش پرەزيدەنتى نۇرسۇلتان نازارباەۆتىڭ قاجىرلى ەڭبەگىن، دۇرىس تاڭداعان ساياساتىن الەم جۇرتشىلىعى دا مويىنداۋدا. قازىر تاۋەلسىز قازاق ەلىنىڭ تاريحى جاسالدى. بىراق ونى قازاق ەلىنىڭ كوشباسشىسى بولا العان نۇرسۇلتان نازارباەۆتىڭ 1991 جىلى بۇكىل حالىقتىق سايلاۋدان كەيىن قولعا العان باسشىلىق قىزمەتىنسىز كوزگە ەلەستەتۋ مۇمكىن دە ەمەس. ويتكەنى، باتىستىق ساياساتكەرلەر مەن قايراتكەرلەر دە قازاقستاننىڭ بۇگىنگى تابىستارىن ونىڭ تۇڭعىش پرەزيدەنتى نۇرسۇلتان نازارباەۆپەن بايلانىستىرادى.
ەلباسى نۇرسۇلتان نازارباەۆتىڭ باستى ءرول اتقارعانىن الەمنىڭ باسقا ساياساتتانۋشىلارى دا ۇنەمى ايتىپ ءجۇر. بۇنىڭ ءوزى دە ەلىمىزدەگى مەملەكەت تىزگىنىنىڭ سەنىمدى قولدا ەكەندىگىن ەلىمىز عانا ەمەس باسقا ەلدەرگە دە مويىنداتۋدى ءبىلدىردى. 1991 جىلى 17 جەلتوقساندا الماتىداعى رەسپۋبليكا الاڭىندا وتكەن ميتينگىدە ەلباسى نۇرسۇلتان نازارباەۆتىڭ: –تاۋەلسىزدىكتىڭ ءبىزدىڭ ءبارىمىزگە ارتار مىندەتى مول.
ءوزىمىزدىڭ ەل تاۋەلسىزدىگىنىڭ تاريحى جانە ەلباسىنىڭ ەل ەگەمەندىگىندەگى ءرولى جونىندەگى ويىمىزدى قورىتا ايتقاندا، از عانا ۋاقىتتا تۇڭعىش پرەزيدەنتىمىز نۇرسۇلتان نازارباەۆتىڭ جەتەكشىلىگىمەن ەلىمىزدە ەكونوميكالىق، الەۋمەتتىك، قۇقىقتىق جانە ساياسي تۇبەگەيلى وزگەرىستەر جۇزەگە اسىرىلعاندىعىن بولە-جارا اتاپ كورسەتۋ قاجەت.
قازاقستاننىڭ تاۋەلسىزدىگى مەن ەلباسى ەڭبەگىنىڭ ءبىر-بىرىمەن تىعىز ۇشتاسىپ جاتقاندىعىن، ولاردىڭ ءبىر-بىرىمەن اجىراعىسىز ەگىز ۇعىم ەكەندىگىن اقيقات ەسەبىندە تاريح الدىمىزعا تارتىپ وتىر.