El táýelsizdiginiń basynda turǵan, ótpeli kezeńniń barlyq qıynshylyǵyn eńserip, memleketimizdi saıası, áleýmettik, ekonomıkalyq daǵdarystarǵa soqtyrmaı, búgingi kóz kórgen yntymaq pen jetistikke qol jetkizgen elimizdiń Tuńǵysh Prezıdenti Nursultan Nazarbaevtyń qajyrly eńbegin, durys tańdaǵan saıasatyn álem jurtshylyǵy da moıyndaýda. Qazir táýelsiz qazaq eliniń tarıhy jasaldy. Biraq ony qazaq eliniń Kóshbasshysy bola alǵan Nursultan Nazarbaevtyń 1991 jyly búkil halyqtyq saılaýdan keıin qolǵa alǵan basshylyq qyzmetinsiz kózge elestetý múmkin de emes. Óıtkeni, batystyq saıasatkerler men qaıratkerler de Qazaqstannyń búgingi tabystaryn onyń Tuńǵysh Prezıdenti Nursultan Nazarbaevpen baılanystyrady.
Elbasy Nursultan Nazarbaevtyń basty ról atqarǵanyn álemniń basqa saıasattanýshylary da únemi aıtyp júr. Bunyń ózi de elimizdegi memleket tizgininiń senimdi qolda ekendigin elimiz ǵana emes basqa elderge de moıyndatýdy bildirdi. 1991 jyly 17 jeltoqsanda Almatydaǵy Respýblıka alańynda ótken mıtıngide Elbasy Nursultan Nazarbaevtyń: –Táýelsizdiktiń bizdiń bárimizge artar mindeti mol.
Ózimizdiń el táýelsizdiginiń tarıhy jáne Elbasynyń el egemendigindegi róli jónindegi oıymyzdy qoryta aıtqanda, az ǵana ýaqytta Tuńǵysh Prezıdentimiz Nursultan Nazarbaevtyń jetekshiligimen elimizde ekonomıkalyq, áleýmettik, quqyqtyq jáne saıası túbegeıli ózgerister júzege asyrylǵandyǵyn bóle-jara atap kórsetý qajet.
Qazaqstannyń Táýelsizdigi men Elbasy eńbeginiń bir-birimen tyǵyz ushtasyp jatqandyǵyn, olardyń bir-birimen ajyraǵysyz egiz uǵym ekendigin aqıqat esebinde tarıh aldymyzǵa tartyp otyr.
